'நிவர்' புயல் காரணமாக தமிழகத்தில் மருத்துவ கலந்தாய்வு ஒத்திவைக்கப்பட்டிருந்தது. இதனால் கலந்தாய்வு 6 நாட்கள் நடைபெறவில்லை. இந்த நிலையில் டிசம்பர் 4- ஆம் தேதி முடிய வேண்டிய கலந்தாய்வு டிசம்பர் 10- ஆம் தேதி வரை நீட்டிக்கப்படுவதாக மருத்துவ கல்வி இயக்ககம் அறிவித்துள்ளது. மேலும், மருத்துவ கலந்தாய்வுக்கான திருத்தப்பட்ட அட்டவணையையும் வெளியிட்டுள்ளது.
அதன்படி, 'நவம்பர் 30- ஆம் தேதி முதல் டிசம்பர் 10- ஆம் தேதி வரை பொது பிரிவுக்கு கலந்தாய்வு நடைபெறும். சென்னை நேரு விளையாட்டு அரங்கில் காலை 09.00 மணி முதல் பிற்பகல் 02.00 மணி கலந்தாய்வு நடைபெறும்' என தெரிவிக்கப்பட்டுள்ளது.
