வாக்காளர் அடையாள அட்டை இல்லாமல் இருந்தால் வாக்களிக்க முடியாதா? என்ற கேள்வி பலருக்கும் உண்டு. ஆனால், வாக்காளர் அடையாள அட்டை இல்லாத போது, மாற்று ஆவணங்கள் மூலம் உங்கள் அடையாளத்தை நிரூபித்து உங்கள் வாக்கை செலுத்தலாம்.
வாக்காளர் அடையாள அட்டை என்பது நீங்கள் அந்த தொகுதி/வார்டு/பகுதி க்குள்தான் வசிக்கிறீர்கள். உங்கள் வரிப்பணம் இந்த தொகுதிக்குள்தான் பயன்படுத்தப்படுகிறது என்பதை உறுதி செய்வதற்குத்தான். மற்றபடி அது ஒன்றும் வாக்களிப்பதற்கான சிறப்புத் தகுதி அல்ல.
வாக்காளர் அடையாள அட்டை இல்லாதபோது மாற்று ஆவணங்களைப் பயன்படுத்தி வாக்களிக்கலாம் என்றால், எந்தெந்த ஆவணங்கள் அவை என்பதற்கு தேர்தல் ஆணையம் வழங்கியிருக்கும் பட்டியல் இதுதான்.
பாஸ்போர்ட்
ஓட்டுநர் உரிமம்
மத்திய/மாநில அரசால் வழங்கப்பட்ட பணியாளர் அடையாள அட்டை (புகைப்படத்துடன் கூடியது)
வங்கி /தபால் நிலையத்தால் வழங்கப்பட்ட கணக்கு புத்தகம்
வருமான வரித்துறை வழங்கிய நிரந்தர கணக்கு எண் அட்டை (பான் கார்டு)
ஸ்மார்ட் கார்டு – Registrar General of India
மகாத்மா காந்தி ஊரக வேலை வழங்கும் திட்டத்தின் கீழ் வழங்கப்பட்ட பணியாளர் அட்டை
தொழிலாளர் நலத்துறையின் திட்டங்களின் கீழ் வழங்கப்பட்ட காப்பீட்டு திட்ட அட்டை
ஓய்வூதிய ஆவணம் (புகைப்படத்துடன் கூடியது)
ஆதார் அட்டை
