. -->
.PLEASE WAIT 3 SECONDS..
.AFTER APPEARING ARROW AND TOUCH THAT..

Now Online

Thursday, 12 March 2020

காலை வழிபாடு & வகுப்பறைச் செயல்பாடுகள் 13-03-2020 T.தென்னரசு



🌸🌸🌸🌸🌸🌸🌸🌸🌸
இன்றையதிருக்குறள்

குறள்எண்- 724

அதிகாரம் : அவையஞ்சாமை

கற்றார்முன் கற்ற செலச்சொல்லித் தாம்கற்ற

மிக்காருள் மிக்க கொளல்.

பொருள்:

அறிஞர்களின் அவையில் நாம் கற்றவைகளை அவர்கள் ஏற்றுக் கொள்ளும் அளவுக்கு எடுத்துச் சொல்லி நம்மைவிட அதிகம் கற்றவரிடமிருந்து மேலும் பலவற்றை நாம் அறிந்து கொள்ள வேண்டும்.

🌸🌸🌸🌸🌸🌸🌸🌸🌸
பொன்மொழி

மனிதனுடைய திறமை பெரியதல்ல, கிடைக்கின்ற சந்தர்ப்பமே அவனைப் பிரகாசிக்கச் செய்கின்றது.

- கவிஞர் கண்ணதாசன்
✡✡✡✡✡✡✡✡
பழமொழி 

 உலை வாயை மூடினாலும் ஊர் வாயை மூடமுடியாது.
🔱🔱🔱🔱🔱🔱🔱🔱

Important  Words

AQUATICS - நீர்வாழ்வன

1. Cockle - மட்டி
2. Eel - விலாங்கு மீன்
3. Gar Fish - கோலா மீன்
4. Lobster - கடல் நண்டு
✍✍✍✍✍✍✍
பொதுஅறிவு

1. தேனி  மாவட்டத்தின் முக்கிய ஆறுகள் யாவை ?

பெரியாறு, மஞ்சளாறு, சண்முகாநதி

2. சிவகங்கையில் உள்ள பல்கலைக்கழகத்தின் பெயர் என்ன ?

 அழகப்பா பல்கலைகழகம்

✡✡✡✡✡✡✡✡
Daily English

BRITISH ENGLISH - AMERICAN ENGLISH

1. ILL - SICK
2. JAM - JELLY
3. LAVATORY - TOILET
4. LORRY - TRUCK
🌿🌿🌿🌿🌿🌿🌿🌿🌿🌿🌿🌿🌿
அறிவோம்! கூறுவோம்!

வெண்டைக்காய்



பயன்கள்

🌽 கர்பிணிப் பெண்களுக்கு மிகவும் அவசியமான போலிக் அமிலம் வெண்டைக் காயில் அதிகமாக உள்ளது. கருவில் உள்ள குழந்தையானது உள்ளே நல்லபடியாக வளரவும், குழந்தையின் நரம்பு குழாய்களின் வளர்ச்சிக்கும் இந்த போலிக் அமிலமானது மிகவும் அவசியம்.

🌽 முற்றாத பிஞ்சு வெண்டைக்காயை தொடர்ந்து சாப்பிட்டு வர புற்றுநோய் வருவதை தடுக்கலாம் என ஆய்வுகள் தெரிவிக்கின்றன.

🌽 பெண்களுக்கு அதிகம் உடல் உஷ்ணத்தினால் மாதவிலக்கின்போது ஏற்படும் வயிற்றுவலி நீங்க, பிஞ்சு வெண்டைக்காய் விதைகளை, 2 முதல் 5 கிராம் அளவு சாப்பிட்டுவர வேண்டும்.


🌽 பிஞ்சு வெண்டைக்காயை நன்கு கழுவி, நுனி மற்றும் காம்பை நீக்கி , சிறு சிறு துண்டுகளாக வெட்டி , நாட்டு சர்க்கரை சேர்த்து ,பிசைந்து ஒரு மணி நேரம் வைத்து தினமும் 6 முறை சாப்பிட்டு வர உடல் குளிர்ச்சி அடையும்.

👴👴👴👴👴👴👴👴👴👴👴👴
இன்றையகதை

கடவுளின் அனுமதி

ஒரு நாள் முல்லா ஒரு காட்டு வழியாக வெளியூருக்கு சென்று கொண்டிருக்கும்பொழுது வழியில் ஒரு முரடனிடம் மாட்டிக்கொண்டார். அந்த முரடன் முல்லாவைப் பார்த்து, நீ எவ்வளவு பெரிய ஆபத்து வந்தாலும் அதிலிருந்து உமது சாமர்த்தியத்தால் தப்பி விடுவதாக மக்கள் அனைவரும் உன்னைப்பற்றி பேசிக்கொள்வதை நான் கேள்விப்பட்டிருக்கிறேன்.

இங்கே பார் முல்லா, இதோ இந்த உடைவாளால் உன் கழுத்தை இப்பொழுது நான் வெட்டப் போகிறேன். எங்கே உமது அறிவுச் சாதுரியத்தால் என்னிடம் இருந்து தப்பித்து செல் பார்க்கலாம் என்றான் முரடன். உடனே முல்லா திடீரென வானத்தைப் பார்த்து மகிழ்ச்சியுடன் சிரித்தார். ஏன் சிரிக்கிறாய்? என்று முரடன் கேட்டான்.

அன்பரே, உன்னுடைய கைவாள் என் தலையைத் துண்டிப்பதற்கு முன்பு அதோ வானத்திலே பறந்து கொண்டிருக்கும் வினோதமான தங்கப் பறவையை ஆசை தீரப் பார்த்து விடுகிறேன். அதற்குப் பிறகு நீ என் தலையை வெட்டி விடு என்றார். என்னது வானத்தில் தங்கப் பறவையா? என்று கேட்டுக் கொண்டே முரடன் ஆச்சரியத்துடன் ஆகாயத்தை அண்ணாந்து பார்க்கலானான். அதுசமயம் முல்லா முரடனின் கையிலிருந்த வாளைத் தட்டிப் பறித்து கொண்டார்.

நண்பரே, உன்னுடைய உயிர் இப்போ என் கையில் உள்ளது. நான் நினைத்தால் உன் தலையை வெட்டி வீழ்த்த முடியும் என்றார் முல்லா. முல்லா அவர்களே நீர் வெற்றி பெற்றுவிட்டீர். முல்லாவிடம் மன்னிப்புக்கேட்டான்.

அன்பரே, கடவுள் அனுமதியில்லாமல் எந்த உயிரையும், யாரும் அழித்துவிட முடியாது என்பதை உணர்ந்து கொள் என்று கூறி வாளை முரடனிடம் தந்துவிட்டு முல்லா பயணத்தைத் தொடர்ந்தார்.

நீதி :


ஒருவர் பிறப்பது மற்றும் இறப்பது இரண்டுமே இறைவன் கையில் உள்ளது.


🌿🌿🌿🌿🌿🌿🌿🌿
தொகுப்பு:
T.தென்னரசு. ஊ.ஒ.ந.நி.பள்ளி, காட்டூர், திருவள்ளூர் மாவட்டம்.
🌿🌿🌿🌿🌿🌿🌿🌿

செய்திச்சுருக்கம்.

🔮10-ம் வகுப்பு மதிப்பெண் சான்றிதழில் இனி பெற்றோரின் பெயரும் இடம் பெறும் என்று அமைச்சர் செங்கோட்டையன் தெரிவித்துள்ளார்.

🔮தமிழகத்தில் என்.பி.ஆர்.கணக்கெடுப்பு பணி நிறுத்தி வைக்கப்பட்டுள்ளதாக அமைச்சர் ஆர்.பி.உதயகுமார் தெரிவித்துள்ளார்.

🔮இந்தியா - தென் ஆப்பிரிக்கா அணிகளுக்கு இடையேயான முதல் ஒருநாள் போட்டி மழை காரணமாக ரத்து செய்யப்பட்டு விட்டதாக அறிவிக்கப்பட்டுள்ளது.

🔮கொரோனா எதிரொலியால் மார்ச் 31 ஆம் தேதி வரை பள்ளி-கல்லூரிகள் மற்றும் திரையரங்குகள் மூடப்படும் என அறிவிக்கப்பட்டு உள்ளது.

🔮தமிழகத்தை தொடர்ந்து புதுச்சேரியில் கால் பதித்த கொரோனா: 3 பேருக்கு கொரோனா அறிகுறி; ரத்தமாதிரிகள் ஆய்வுக்கூடத்துக்கு அனுப்பி வைப்பு.


🔮அவசியமற்ற வெளிநாடு பயணங்கள், பெரிய அளவில் கூட்டம் கூடும் இடங்களை பொதுமக்கள் தவிர்க்க வே்ணடும் : பிரதமர் மோடி அறிவுரை.

🔮வேலூர் மாநகராட்சி எல்லைப்பகுதிகள் அளவீடு துரிதமாக செயல்படுத்தப்பட்டு வருகிறது.


🔮டோக்கியோ ஒலிம்பிக் குத்துச்சண்டை போட்டிக்கு இந்திய வீரர்கள் 9 பேர் தகுதி.

HEADLINES

🔮Coronavirus : number of cases rises to 76, with Pune reporting one more.

🔮India’s current account deficit narrows to $1.4 billion in December quarter.

🔮Online tools for teachers and students to hold virtual classes during the COVID-19 pandemic.

🔮India vs SA 1st ODI  Rain washes out.

🔮FOOTBALL: Coronavirus: ISL final between ATK and Chennaiyin FC to be held in empty stadium.


🔮Delhi government declares coronavirus an epidemic, shuts schools, colleges and cinema halls.                  🌴🌴🌴🌴🌴🌴🌴🌴🌴🌴🌴🌴

CLICK PHOTO TO JOIN

CLICK PHOTO TO JOIN