NHIS - 2026 - ஒருங்கிணைப்பாளர்கள் விவரம் மருத்துவமனைகள் விவரம், நோய்கள் விவரம் மற்றும் அடையாள அட்டை (E-Card) பதிவிறக்கம் செய்தல் தொடர்பாக தமிழ்நாடு அரசின் செய்தி வெளியீடு!!

NHIS - 2026 - ஒருங்கிணைப்பாளர்கள் விவரம் மருத்துவமனைகள் விவரம், நோய்கள் விவரம் மற்றும் அடையாள அட்டை (E-Card) பதிவிறக்கம் செய்தல் தொடர்பாக தமிழ்நாடு அரசின் செய்தி வெளியீடு!!

பள்ளி காலை வழிபாட்டு செயல்பாடுகள் - 13.11.2026

திருக்குறள்: 

பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:529

குறள்:

தமராகிக் தற்றுறந்தார் சுற்றம் அமராமைக்

காரணம் இன்றி வரும்.

பொருள்:

சுற்றத்தாராக இருந்து தன்னைப் பிரிந்தவர்கள், பிரிவதற்கு ஏற்பட்ட காரணத்தை நீக்கிவிட்டால், மீண்டும் அவர்களே வந்து சேர்ந்திருப்பார்கள்.

பழமொழி :

Children are the bridge to heaven. 

குழந்தைகள் சொர்கத்திற்கான பாலமாக இருக்கிறார்கள்.

இரண்டொழுக்க பண்புகள் :.

1. கொடுத்த நேரத்திற்குள் என் பணிகளைச் செய்து முடித்து, வாழ்க்கையில் நேரத்தை எப்போதும் மதித்துப் நடப்பேன்.

2. வகுப்பறையிலும் பள்ளியிலும் அமைதியைக் காத்து, ஆசிரியர்களின் கற்பித்தலுக்கு முழு ஒத்துழைப்பு அளிப்பேன்.

பொன்மொழி : 

குழந்தைகளின் கனவுகளுக்கு சிறகுகள் கொடுப்போம்; அவர்களின் ஆரோக்கியத்தையும் மகிழ்ச்சியையும் பாதுகாப்போம்!

Thought for the Day :

Let us give wings to children's dreams and protect their health, happiness, and future.

பொது அறிவு : 

1. சர்வதேச குழந்தைகள் தினம் எப்போது கொண்டாடப்படுகிறது?

ஜூன் 1

2. இந்தியாவின் முதல் பசுமை நகரத்தை உருவாக்க இருக்கும் மாநிலம் எது? 

மகாராஷ்டிரா. 

English words :

1. Susceptible - பாதிக்கப்படக்கூடிய - Vulnerable

2. Diligent - கடின உழைப்பாளி - Industrious

புவியியலும் சுற்றுசூழலும் :

அடுத்ததாக மக்களுக்குத் தேவையான குடிநீர் வசதியை ஏற்படுத்துதல்.மூன்றாவதாக சாலைகளைப் பராமரித்தல், தெருவிளக்குகளை அமைத்தல் மற்றும் பராமரித்தல்.

NMMS :

MAT 

பின்வரும் தொடரில் வேறுபட்ட எண்ணைக் கண்டறிக: 8, 15, 24, 37, 48, 63

A. 15

B. 24

C. 37

D. 63

விடை: C.37

நீதிக்கதை

 குழந்தைகளைக் கொண்டாடுவோம்! 🌸

தலைப்பு: குழந்தைகளின் மகிழ்ச்சியே உலகின் மிகப்பெரிய செல்வம்!

ஒரு அழகான கிராமத்தில் அறிவழகன் என்ற தலைமை ஆசிரியர் ஒருவர் வாழ்ந்து வந்தார். அவர் குழந்தைகள் மீது மிகுந்த அன்பு கொண்டவர்.

அந்தக் கிராமத்தில் ஆண்டுதோறும் குழந்தைகள் தின விழா கொண்டாடுவது வழக்கம். ஒருமுறை விழாவிற்கான ஏற்பாடுகள் நடைபெற்றுக் கொண்டிருந்தன.

அப்போது சில பெற்றோர்கள், "குழந்தைகள் நன்றாகப் படித்து அதிக மதிப்பெண்கள் வாங்கினால்தான் அவர்களைக் கொண்டாட வேண்டும். படிப்பில் பின்தங்கும் குழந்தைகளைக் கொண்டாடுவதில் என்ன இருக்கிறது?" என்று பேசிக்கொண்டனர்.

அன்றைய நாளில் ஒவ்வொரு குழந்தைக்கும் ஒரு சிறிய செடி வழங்கப்பட்டது.

"இந்தச் செடியை நீங்கள் எப்படி வளர்க்கிறீர்களோ, அதேபோல உங்கள் திறமைகளையும் வளர்த்துக் கொள்ள வேண்டும்" என்று கூறினார்.

சில குழந்தைகள் செடிகளுக்கு அழகாகத் தண்ணீர் ஊற்றினார்கள். சிலர் அவற்றைச் சுற்றி வேலி அமைத்தார்கள். இன்னும் சிலர் செடிகள் வளர்வதற்குத் தேவையான உரமிட்டார்கள். 

 ஒரு மாணவன் மட்டும் , "எல்லா செடிகளும் ஏன் ஒரே மாதிரி வளர்வதில்லை ஐயா?" என்று கேட்டான்

ஆசிரியர் புன்னகையுடன், "ஒவ்வொரு செடியும் ஒரே மாதிரி வளர்வதில்லை. சில செடிகள் விரைவாக வளரும்; சில செடிகள் மெதுவாக வளரும். அதற்காக எந்தச் செடியையும் நாம் குறைவாக மதிப்பிடுவதில்லை. குழந்தைகளும் அப்படித்தான்!" என்றார்.

பின்னர் அவர் பெற்றோர்களைப் பார்த்து,

"ஒரு குழந்தை படிப்பில் சிறந்து விளங்கலாம்; மற்றொரு குழந்தை விளையாட்டில் சாதிக்கலாம். இன்னொரு குழந்தை ஓவியம் வரையலாம்; மற்றொரு குழந்தை பிறருக்கு உதவும் நல்ல உள்ளம் கொண்டிருக்கலாம். ஒவ்வொரு குழந்தைக்குள்ளும் ஒரு தனித்திறமை மறைந்திருக்கிறது.

அந்தத் திறமையை அடையாளம் கண்டு ஊக்கப்படுத்துவதே நமது கடமை. குழந்தைகளை மதிப்பெண்களைக் கொண்டு அளவிடாமல், அவர்களின் மகிழ்ச்சி, அன்பு, முயற்சி, திறமை ஆகியவற்றைக் கொண்டு கொண்டாட வேண்டும்!" என்றார்.

அன்று முதல் அந்தக் கிராமத்தில் குழந்தைகளின் மதிப்பெண்களைக் கொண்டாடுவதைவிட, அவர்களின் ஒவ்வொரு சிறிய முயற்சியையும் பாராட்டத் தொடங்கினார்கள்.

குழந்தைகளின் முகத்தில் மகிழ்ச்சியும் தன்னம்பிக்கையும் மலர்ந்தது.

### 🌷 நீதிக்கருத்து:

குழந்தைகள் நமது எதிர்காலம் மட்டுமல்ல; இன்றைய உலகின் அழகும் அவர்கள்தான். ஒவ்வொரு குழந்தையும் தனித்துவமானது. அவர்களை ஒப்பிடாமல், அவர்களின் திறமைகளை அன்போடு அங்கீகரித்து ஊக்கப்படுத்துவோம்.

"குழந்தைகளைத் திருத்துவதற்கு முன் அவர்களைப் புரிந்துகொள்வோம்; அறிவுரை கூறுவதற்கு முன் அவர்களுக்குச் செவிசாய்ப்போம்; குழந்தைகளை மட்டும் அல்ல, குழந்தைத்தனமான மகிழ்ச்சியையும் கொண்டாடுவோம்!" 🌼

இன்றைய செய்திகள்

13.11.2026

🗒️தமிழகத்தின் 3 கடற்கரைகளுக்கு சர்வதேச நீலக்கொடி அங்கீகாரம் - கோவளம் கடற்கரை 6-வது முறையாக சாதனை.

🗒️இந்தியாவில் 3.86 கோடி பேருக்கு நீரிழிவு நோய் இருப்பதே தெரியாது என்பது ஆய்வில் அதிர்ச்சி தகவல்.

🗒️உலகின் சக்திவாய்ந்த இந்திய வம்சாவளி நபர்கள் பட்டியலில் சுந்தர் பிச்சை முதலிடம்.

🏀விளையாட்டுச் செய்திகள்

🏃🏻‍♀️ஜப்பான் ஓபன் பேட்மிண்டன்: லக்ஷயா சென் வெற்றி.

🏃🏻‍♀️நியூசிலாந்துக்கு எதிரான டெஸ்ட் கிரிக்கெட்  தொடரில் விளையாட ரிஷப் பண்ட் தயார்; இந்திய அணிக்கு மகிழ்ச்சியான செய்தி

Today's Headlines

🗒️ Three beaches in Tamil Nadu have received the international Blue Flag recognition. Kovalam Beach has achieved this recognition for the sixth time.

🗒️ A shocking study reveals that 3.86 crore people in India do not know that they have diabetes.

🗒️ Sundar Pichai has topped the list of the world's most powerful people of Indian origin.

🏀 Sports News

🏃🏻‍♀️ Japan Open Badminton: Lakshya Sen has won his match.

🏃🏻‍♀️ Rishabh Pant is ready to play in the Test cricket series against New Zealand. This is good news for the Indian cricket team.

பள்ளி காலை வழிபாட்டு செயல்பாடுகள் - 12.11.2026

திருக்குறள்: 

பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:528

குறள்:

பொதுநோக்கான் வேந்தன் வரிசையா நோக்கின்

அதுநோக்கி வாழ்வார் பலர்.

பொருள்:

அரசன் எல்லாரையும் பொதுவகையாக நோக்காமல், அவரவர் சிறப்புக்கு ஏற்றவாறு நோக்கினால், அதை விரும்பி சுற்றமாக வாழ்கின்றவர் பலர் ஆவர்.

பழமொழி :

Union is strength.

ஒற்றுமையே பலம்.

இரண்டொழுக்க பண்புகள் :.

1. கொடுத்த நேரத்திற்குள் என் பணிகளைச் செய்து முடித்து, வாழ்க்கையில் நேரத்தை எப்போதும் மதித்துப் நடப்பேன்.

2. வகுப்பறையிலும் பள்ளியிலும் அமைதியைக் காத்து, ஆசிரியர்களின் கற்பித்தலுக்கு முழு ஒத்துழைப்பு அளிப்பேன்.

பொன்மொழி : 

கல்வி என்பது வேலைவாய்ப்பிற்கான வழி மட்டுமல்ல; ஒவ்வொரு மனிதனின் வாழ்வையும் உயர்த்தும் ஒளிவிளக்காகும்!

Thought for the Day :

Education is not merely a path to employment; it is the guiding light that elevates every human life.

பொது அறிவு : 

1. தமிழ்நாட்டில் நிலத்தடி நீர் பாதுகாப்பிற்காக தொடங்கப்பட்ட திட்டத்தின் பெயர் என்ன?' 

துளி' திட்டம்.

2. தமிழ்நாட்டின் சிங்கப்பெண் சிறப்பு அதிரடிப்படையின் கட்டணம் இல்லா தொலைபேசி எண் எது? 

 1091. 

English words :

1. Alleviate - தணி - Relieve

2. Conundrum - புதிர் - Dilemma

புவியியலும் சுற்றுசூழலும் :

எஞ்சிய கழிவுகளைப் பாதுகாப்பாக அகற்றுதல்

மறுபயன்படுத்தவோ மறுசுழற்சி செய்யவோ முடியாத எஞ்சிய கழிவுகள் உரிய விதிமுறைகளின்படி பாதுகாப்பான முறையில் அகற்றப்படுகின்றன.

NMMS :

MAT 

பின்வரும் தொடரில் வேறுபட்ட எண்ணைக் கண்டறிக: 24, 27, 31, 33, 36, 39

A. 24

B. 31

C. 36

D. 39

விடை: B.31

நவம்பர் 12

உலக நுரையீரல் அழற்சி நாள்

உலக நுரையீரல் அழற்சி நாள் (World Pneumonia Day) என்பது நுரையீரல் அழற்சி நோய் பற்றிய விழிப்புணர்வை அனைவருக்கும் உணர்த்தும் நோக்கில் ஆண்டு தோறும் நவம்பர் 12 ஆம் நாள் கடைப்பிடிக்கப்பட்டு வரும் ஒரு சிறப்பு நாள் ஆகும். சிறுவர்களின் நலனைப் பிரதிநிதித்துவப் படுத்தும் நூற்றுக்கும் அதிகமான உலகளாவிய அமைப்புகள் இணைந்து 2009 ஆம் ஆண்டு நவம்பர் 2 இல் முதலாவது உலக நுரையீரல் அழற்சி நாளை கொண்டாடின. 2010 முதல் இது நவம்பர் 12 ஆம் நாளில் கொண்டாடப்பட்டு வருகிறது.

உலகளாவிய அளவில் நியூமோனியா நோய் தாக்கத்தால் ஆண்டுக்கு சராசரியாக 1.6 மில்லியன் பேர் இறக்கின்றனர். 5 வயதிற்கும் குறைந்த 155 மில்லியன் குழந்தைகள் பாதிப்படைகின்றனர். இது எயிட்சு, மலேரியா, எலும்புருக்கி நோய் போன்றவற்றினால் இறப்பு ஏற்படுவதை விட அதிகம் என மருத்துவ சங்க குறிப்பு தெரிவிக்கின்றது.

சலிம் அலி அவர்களின் பிறந்தநாள்... 

சலிம் அலி (Sálim Ali; நவம்பர் 12, 1896 – சூலை 27, 1987) உலகப்புகழ் பெற்ற இந்திய பறவையியல் வல்லுநர் மற்றும் இயற்கையியல் அறிஞர் ஆவார். சலிம் அலியின் முழுப்பெயர் சலிம் மொய்ஜுதீன் அப்துல் அலி என்பதாகும்.இவர் இந்தியாவில் முதன்முதலில்பறவைகளைப் பற்றிய முழுமையான தரவுகளைத் துவக்கியவர். இவர் பம்பாய் இயற்கை வரலாற்று சங்கத்தின் (Bombay Natural History Society) புரவலராக (patron) விளங்கியவர். பறவைகளின் வாழ்க்கையைப் பற்றியும், பழக்க வழக்கங்கள் குறித்தும் அவர் வெளியிட்ட கட்டுரைகளும், நூல்களும் உலகப் புகழ் வாய்ந்தவை.

சலிம் அலி பறவைகளின் நண்பராகவும், பாதுகாவலராகவும் விளங்கியதோடு மட்டுமன்றி, இயற்கைப் பாதுகாப்பிலும் பெரும் நாட்டம் கொண்டவர்; பறவைகளின் நல்வாழ்வும், பாதுகாப்பும், இயற்கைப் பாதுகாப்போடு பின்னிப்பிணைந்தவை என்ற சூழியல்சார்ந்த கருத்தில் அசையாத நம்பிக்கை கொண்டிருந்தார்.

“இந்திய, பாகிஸ்தான் நாட்டுப் பறவைகளின் கையேடு (Handbook of the Birds of India and Pakistan) மற்றும் தன்வரலாற்று நூலான ஒரு சிட்டுக்குருவியின் வீழ்ச்சி (The Fall of Sparrow) ஆகிய நூல்கள் சலிம் அலியின் முக்கிய நூல்களாகும்.

நீதிக்கதை

 🌸 பணிவாகப் பேசுதல் சிறந்த பண்பு 🌸

ஒரு அழகான காட்டில் பல விலங்குகள் ஒற்றுமையாக வாழ்ந்து வந்தன. அந்தக் காட்டில் ஒரு சிறிய முயலும், ஒரு யானையும், ஒரு மானும், ஒரு அணிலும் வாழ்ந்து வந்தன.

அந்தக் காட்டில் ஒரு குட்டி முயல் மிகவும் புத்திசாலியாக இருந்தது. ஆனால், அது மற்றவர்களிடம் மிகவும் கடுமையாகவும் ஆணவமாகவும் பேசும் பழக்கம் கொண்டிருந்தது.

ஒருநாள் முயல் காட்டில் நடந்து சென்றபோது, ஒரு சிறிய அணிலைச் சந்தித்தது.

அணில்: முயலே! எப்படி இருக்கிறாய்?

முயல்: அதைப் பற்றி உனக்கென்ன கவலை? உன் வேலையைப் பார்த்துக்கொண்டு போ!

அணில் வருத்தத்துடன் அங்கிருந்து சென்றது.

சிறிது தூரம் சென்ற முயல், ஒரு மானைப் பார்த்தது.

மான்: முயலே! இன்று நம்முடன் விளையாட வருகிறாயா?

முயல்: உங்களுடன் விளையாட எனக்கு நேரமில்லை. நான் மிகவும் முக்கியமானவன்!

மான் எதுவும் பேசாமல் சென்றது.

இதையெல்லாம் பார்த்துக் கொண்டிருந்த வயதான ஆந்தை, முயலுக்கு நல்ல அறிவுரை கூற நினைத்தது.

ஆந்தை: முயலே! உன்னிடம்  நல்ல திறமை இருக்கிறது. ஆனால், நீ பேசும் விதம் மற்றவர்களின் மனதைப் புண்படுத்துகிறது. இனிமையாகவும் பணிவாகவும் பேசக் கற்றுக்கொள்.

முயல்: நான் ஏன் மற்றவர்களிடம் பணிவாகப் பேச வேண்டும்? நான் நினைப்பதை அப்படியே பேசுவேன்!

சில நாட்களுக்குப் பிறகு, முயல் காட்டில் விளையாடிக் கொண்டிருந்தபோது ஒரு பள்ளத்தில் தவறி விழுந்தது. வெளியே வர முடியாமல் தவித்தது.

உதவி கேட்டு முயல் சத்தமிட்டது.

அந்த வழியாக வந்த அணிலும் மானும் அதன் சத்தத்தைக் கேட்டன. முயல் முன்பு தங்களிடம் கடுமையாகப் பேசியிருந்தாலும், அவை அதற்கு உதவ முன்வந்தன. யானையையும் அழைத்து வந்தன.

யானை தனது தும்பிக்கையால் முயலைப் பாதுகாப்பாக வெளியே தூக்கியது.

தான் தவறாகப் பேசியவர்களே தனக்கு உதவியதைக் கண்டு முயல் மிகவும் வெட்கப்பட்டது.

முயல்: என்னை மன்னித்துவிடுங்கள். நான் உங்களிடம் அன்பாகவும் பணிவாகவும் பேசியிருக்க வேண்டும். இனிமேல் யாரிடமும் கடுமையாகப் பேசமாட்டேன்.

ஆந்தை: மிகவும் நல்லது! நம்முடைய பேச்சு மற்றவர்களுக்கு மகிழ்ச்சியையும் நம்பிக்கையையும் கொடுக்க வேண்டும்.

அன்றிலிருந்து முயல் அனைவரிடமும் அன்பாகவும் பணிவாகவும் பேசத் தொடங்கியது. காட்டில் அனைவருக்கும் பிடித்த நண்பனாக மாறியது.

### 🌷 நீதிக்கருத்து:

பணிவான பேச்சு மனிதனுக்கு அழகு சேர்க்கும். இனிமையாகப் பேசுவது மற்றவர்களின் அன்பையும் மதிப்பையும் பெற்றுத்தரும்.

 🌟 மாணவர்களுக்கான பொன்மொழி

"நல்ல வார்த்தைகள் பேச அதிகச் செலவு இல்லை; ஆனால் அவை பிறர் மனதில் அளவற்ற மகிழ்ச்சியைத் தருகின்றன."

இன்றைய செய்திகள்

12.11.2026

🗒️தமிழ்நாட்டில் ரூ. 1,370 கோடி புதிய முதலீடுகள்; தொழில் துறை அமைச்சருடன் நிறுவன தலைவர்கள் சந்தித்தனர்.

🗒️பிரதமர் மோடி கர்நாடகா, குஜராத்திற்கு 2 நாள் பயணம்

அடுத்த நாள் (14-ந்தேதி) குஜராத் செல்கிறார்.

🗒️புற்றுநோய், இதய

நோய்களுக்கு 10 ஆண்டுகளுக்குள் தீர்வு என பிரபல AI நிறுவனத்தின் CEO நம்பிக்கை தெரிவித்துள்ளார்.

🏀விளையாட்டுச் செய்திகள்

🏃🏻‍♀️தெற்காசிய கால்பந்து சாம்பியன்ஷிப் - பெனால்டி கோலால் மாலத்தீவை வீழ்த்திய இந்தியா... அரையிறுதிக்கு முன்னேற்றம்.

🏃🏻‍♀️உலக துப்பாக்கி சுடுதல் சாம்பியன்ஷிப் - வெண்கலம் வென்ற நிரஜ் குமார்.

Today's Headlines

🗒️ New investments worth Rs. 1,370 crore are coming to Tamil Nadu. Company leaders met the Industries Minister.

🗒️ Prime Minister Narendra Modi will visit Karnataka and Gujarat for two days. He will visit Gujarat on the 14th.

🗒️ The CEO of a famous AI company believes that cancer and heart diseases may be cured within the next 10 years.

🏀 Sports News

🏃🏻‍♀️ South Asian Football Championship: India defeated Maldives through a penalty goal and entered the semi-finals.

🏃🏻‍♀️ World Shooting Championship: Neeraj Kumar won a bronze medal.

தமிழ்நாடு முழுவதும் உள்ள அரசு பள்ளிகள், அரசு உதவி பெறும் பள்ளிகளில் சிசிடிவி பொருத்த உயர்நீதிமன்ற மதுரைக்கிளை ஆணை

தமிழ்நாடு முழுவதும் உள்ள அரசுப் பள்ளிகளில் சிசிடிவி பொருத்தப்பட வேண்டும்- பள்ளி குடிநீர் தொட்டிகளில் மலம் கலப்பது உள்ளிட்ட அசம்பாவிதங்களை தடுக்கும் வகையில் உயர்நீதிமன்ற மதுரை கிளை உத்தரவு

தற்போது எத்தனை பள்ளிகளில் சிசிடிவி கேமரா பொருத்தப்பட்டுள்ளது?

 எத்தனை பள்ளிகளில் சிசிடிவி கேமரா பொருத்த வேண்டும்?

 சிசிடிவி பொருத்த ஆகும் திட்ட மதிப்பீடு எவ்வளவு? 

 பள்ளிக்கல்வித்துறை செயலாளர் பதில் மனுத்தாக்கல் செய்ய உயர்நீதிமன்ற மதுரை கிளை உத்தரவு

பள்ளி காலை வழிபாட்டு செயல்பாடுகள் - 11.11.2026

திருக்குறள்: 

 பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:527

குறள்:

காக்கை கரவா கரைந்துண்ணும் ஆக்கமும்

அன்னநீ ரார்க்கே உள.

பொருள்:

காக்கை உணவைக் கண்டதும் மறைக்காமல் தன் இனத்தைக் கூவி உடனிருந்தே உண்ணும் அத்தகைய இயல்பினருக்கே சுற்றப் பெருக்கமும் உண்டாகும்.

பழமொழி :

Truth alone triumphs.

வாய்மையே வெல்லும்.

இரண்டொழுக்க பண்புகள் :.

1. கொடுத்த நேரத்திற்குள் என் பணிகளைச் செய்து முடித்து, வாழ்க்கையில் நேரத்தை எப்போதும் மதித்துப் நடப்பேன்.

2. வகுப்பறையிலும் பள்ளியிலும் அமைதியைக் காத்து, ஆசிரியர்களின் கற்பித்தலுக்கு முழு ஒத்துழைப்பு அளிப்பேன்.

பொன்மொழி : 

அறிவியல் மனிதனின் அறிவை வளர்க்கிறது; அதன் சரியான பயன்பாடு உலகின் அமைதியையும் முன்னேற்றத்தையும் உறுதி செய்கிறது!

Thought for the Day :

Science expands human knowledge; its meaningful application builds a peaceful and progressive world.

பொது அறிவு : 

1.ஆந்திர பிரதேசம் மாநிலம் உருவான ஆண்டு எது? 1953. 2. மெட்ராஸ் மாநிலம் தமிழ்நாடு என பெயர் மாற்றம் செய்த போது தமிழ்நாட்டின் முதலமைச்சர் ஆக இருந்தவர் யார்? சி. என் .அண்ணாதுரை 

English words :

1. Candid - வெளிப்படையான - Frank

2. Scrutinize - ஆய்வு செய் - Examine

புவியியலும் சுற்றுசூழலும் :

களக்காடு முண்டந்துறை புலிகள் காப்பகம்

• அமைவிடம்: திருநெல்வேலி மாவட்டம்.

• சிறப்பு: சுமார் 895 சதுர கி.மீ பரப்பளவைக் கொண்ட இந்த காப்பகம், தமிழகத்தின் இரண்டாவது பெரிய பாதுகாக்கப்பட்ட வனப்பகுதியாகும். பல்லுயிர்கள் நிறைந்த அடர்ந்த பசுமை மாறாக் காடுகளைக் கொண்டது.

• விலங்கினங்கள்: புலிகள், சிறுத்தைகள், சாம்பார் மான்கள், புள்ளிமான்கள்.

NMMS :

MAT 

9, 30, 51, 72, __________ என்ற எண் தொடரில் அடுத்த எண் என்ன?

 (1) 103

(2) 93

(3) 94

(4) 81. 

 விடை:(2) 93

நவம்பர் 11

தேசிய கல்வி நாள்

தேசிய கல்வி நாள் (National Education Day) இந்தியாவில் ஒவ்வொரு ஆண்டும் நவம்பர் மாதம் 11 ஆம் நாள் கொண்டாடப்படுகிறது. சுதந்திர இந்தியாவின் முதல் கல்வி அமைச்சராக விளங்கிய மௌலானா அபுல் கலாம் ஆசாத்தின் பிறந்தநாளை நினைவுகூரும் விதமாக இத்தினம் கொண்டாடப்படுகிறது. 15 ஆகத்து 1947 முதல் 2 பிப்ரவரி 1958 வரை இவர் கல்வி அமைச்சாராகப் பணியாற்றினார்.

மௌலானா அபுல் கலாம்  ஆசாத் 

மௌலானா அபுல் கலாம் முகியுத்தின் அகமது (11 நவம்பர் 1888 – 22 பெப்ரவரி 1958) (Abul Kalam Muhiyuddin Ahmed) இந்திய விடுதலை இயக்கத்தின் மூத்த அரசியல் தலைவரும் இந்திய முசுலிம் அறிஞரும் ஆவார். சமய அடிப்படையிலான இந்தியப் பிரிவினையை எதிர்த்து இந்து- முசுலிம் ஒற்றுமையை வலியுறுத்திய முசுலிம் தலைவர்களில் முதன்மையானவர். இந்தியா விடுதலையடைந்த பிறகு அமைந்த முதல் இந்திய அரசில் கல்வி அமைச்சராகப் பணியாற்றியவர். பாக்கித்தான் பிரிவினையையும் அங்கு இராணுவ ஆட்சி ஏற்படப்போவதையும் முன்னரே தெரிவித்த பெருமை உடையவர்.பரவலாக இவர் மௌலானா ஆசாத்என அறியப்படுகிறார்; ஆசாத் (விடுதலை) என்பது இவர் வைத்துக்கொண்ட புனைப்பெயராகும்.

நீதிக்கதை

 பேராசை பெருநஷ்டம்

ஒரு சிறிய கிராமத்தில் ராமன் என்ற செல்வந்த வணிகர் வாழ்ந்து வந்தார். அவரிடம் ஏராளமான செல்வமும், பல கடைகளும் இருந்தன. ஆனால், அவர் ஒருபோதும் இருப்பதைக் கொண்டு திருப்தி அடையவில்லை . மேலும் மேலும் பணம் சம்பாதிக்க வேண்டும் என்ற ஆசை அவருக்கு அதிகமாக இருந்தது.

ஒருநாள், ஒரு வயதான மனிதர் ராமனிடம் ஒரு மந்திரத் தங்கப் பானையைக் கொடுத்தார். அவர், "இந்தப் பானை ஒவ்வொரு நாளும் காலையில் ஒரு தங்க நாணயத்தைக் கொடுக்கும்" என்று கூறினார்.

ராமன் மிகவும் மகிழ்ச்சியடைந்தார். தினமும் காலையில் அந்தப் பானையிலிருந்து ஒரு தங்க நாணயத்தை எடுத்துச் சேமித்து வந்தார்.

சில மாதங்களில் அவர் மேலும் செல்வந்தரானார். ஆனால், அவரது பேராசை குறையவில்லை .

"தினமும் ஒரே ஒரு நாணயத்திற்காக ஏன் காத்திருக்க வேண்டும்? இந்தப்பானைக்குள் ஏராளமான தங்க நாணயங்கள் இருக்குமே ! அவற்றை ஒரே நேரத்தில் எடுத்துவிட்டால் இன்னும் பணக்காரனாகிவிடலாம்!" என்று நினைத்தார்.

உடனே பேராசையால் அந்தப் பானையை உடைத்துப் பார்த்தார். ஆனால், உள்ளே ஒரு தங்க நாணயம்கூட இல்லை . தினமும் தங்க நாணயம் கொடுத்த பானையைத் தானே உடைத்துவிட்டதை நினைத்து வருந்தினார்.

அப்போதுதான் அவருக்குத் தனது தவறு புரிந்தது. அளவுக்கு மீறிய ஆசையால் தன்னிடம் இருந்த நல்ல வாய்ப்பையும் இழந்துவிட்டோம் என்பதை உணர்ந்தார்.

அன்று முதல் பேராசையை விட்டுவிட்டு, இருப்பதைக் கொண்டு மகிழ்ச்சியாக வாழவும், ஏழைகளுக்கு உதவி செய்யவும் தொடங்கினார்.

நீதி: பேராசை பெருநஷ்டம். அளவுக்கு மீறிய ஆசை நம்மிடம் இருப்பதையும் இழக்கச் செய்யும். 🌱

இன்றைய செய்திகள்

11.11.2026

🗒️அரசுப் பள்ளிகளில் சி.சி.டி.வி. பொருத்த ஆணை,

இது தொடர்பாக பள்ளிக்கல்வி துறை செயலாளர் பதில் மனு தாக்கல் செய்ய மதுரை உயர்நீதிமன்றக் கிளை உத்தரவிட்டுள்ளது.

🗒️புத்த, சமண, சீக்கியர்கள் புனித பயணத்துக்கான நிதியுதவி பெற விண்ணப்பிக்கலாம் எனத் தமிழக அரசு தகவல் வெளியிட்டுள்ளது.

🗒️புதுவகை கொரோனா பரவல்; உலக சுகாதார அமைப்பு எச்சரிக்கையாக இருக்க வேண்டும் என அறிவுறித்தி உள்ளது.

🏀விளையாட்டுச் செய்திகள்

🏃🏻‍♀️உலக துப்பாக்கி சுடுதல் சாம்பியன்ஷிப் - 25 மீட்டர் பிஸ்டல் பிரிவில் தங்கம் வென்ற இந்தியா.

🏃🏻‍♀️உலக பள்ளிகள் கோல்ப் சாம்பியன்ஷிப்... இந்திய வீரர் தேவ்ரத் வெண்கலம் வென்று அசத்தல்.

Today's Headlines

🗒️ The Madurai Bench of the Madras High Court has ordered the School Education Department Secretary to file a reply regarding the order to install CCTV cameras in government schools.

🗒️ The Tamil Nadu Government has announced that Buddhists, Jains and Sikhs can apply for financial assistance to go on holy pilgrimages.

🗒️ The World Health Organization (WHO) has warned people to remain alert about the spread of a new variant of COVID-19.

🏀 Sports News

🏃🏻‍♀️ India won the gold medal in the 25-metre pistol event at the World Shooting Championship.

🏃🏻‍♀️ Indian golfer Devvrat won the bronze medal at the World Schools Golf Championship.

பள்ளி காலை வழிபாட்டு செயல்பாடுகள் - 10.11.2026

திருக்குறள்: 

 பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:526

குறள்:

பெருங்கொடையான் பேணான் வெகுளி அவனின்

மருங்குடையார் மாநிலத்து இல்.   

பொருள்:

பெரிய கொடையாளியாகவும் சினமற்றவனாகவும் ஒருவன் இருந்தால் அவனைப் போல் சுற்றத்தாரை உடையவர் உலகத்தில் யாரும் இல்லை.

பழமொழி :

Trust not broken staff.

மண் குதிரையை நம்பி ஆற்றில் இறங்காதே.

இரண்டொழுக்க பண்புகள் :.

1. கொடுத்த நேரத்திற்குள் என் பணிகளைச் செய்து முடித்து, வாழ்க்கையில் நேரத்தை எப்போதும் மதித்துப் நடப்பேன்.

2. வகுப்பறையிலும் பள்ளியிலும் அமைதியைக் காத்து, ஆசிரியர்களின் கற்பித்தலுக்கு முழு ஒத்துழைப்பு அளிப்பேன்.

பொன்மொழி : 

எவரது பாராட்டிற்காகவும் கடமையை செய்யாமல் உன் கடமையை நீயே செய். உனது திறமையும் நேர்மையும் வெளியாகும் போது உன் எதிரியே உன்னை மதிப்பான் - அண்ணல் அம்பேத்கர்

Thought for the Day :

Every new day is a fresh paper. write something worth  reading.

பொது அறிவு : 

1.மெட்ராஸ் மாநிலம் உருவான ஆண்டு எது? 

ஜனவரி 26 1950. 

2.மெட்ராஸ் மாநிலம் தமிழ்நாடு என பெயர் மாற்றம் செய்யப்பட்ட ஆண்டு எது? 

ஜனவரி 14 1969.    

English words :

1. Inevitable - தவிர்க்க முடியாத - Unavoidable

2. Profound - ஆழமான - Deep

புவியியலும் சுற்றுசூழலும் :

2. ஆனைமலை புலிகள் காப்பகம் (இந்திரா காந்தி வனவிலங்கு சரணாலயம்)• அமைவிடம்: கோயம்புத்தூர் மற்றும் திருப்பூர் மாவட்டங்கள் (மேற்குத் தொடர்ச்சி மலைப்பகுதி).

• சிறப்பு: 958 சதுர கி.மீ பரப்பளவைக் கொண்ட இது, தமிழ்நாட்டின் மிகப்பெரிய மற்றும் நன்கு பாதுகாக்கப்பட்ட காடுகளில் ஒன்றாகும். பரம்பிகுளம், ஆழியாறு போன்ற முக்கிய அணைகளின் நீர் ஆதாரமாக விளங்குகிறது.

• விலங்கினங்கள்: சிங்கவால் குரங்கு (Lion-tailed Macaque), நீலகிரி வரையாடு, யானைகள், புலிகள் மற்றும் கௌர் (காட்டு எருமை)

NMMS :

MAT 

ஒரு எண்ணின் 3 மடங்கிலிருந்து 5-ஐ கழித்தால் 16 கிடைக்கிறது. அந்த எண் என்ன?

A) 5

B) 6

C) 7

D) 8

விடை : (C) 7

விளக்கம்

ஒரு எண்ணின் 3 மடங்கிலிருந்து 5 கழித்தால் 16.

3 × 7 − 5 = 21 − 5 = 16 ✅

நவம்பர் 10

நீதிக்கதை

 ஊருக்குத்தான் உபதேசம்!

ஒரு அழகான கிராமத்தில் ராமு என்ற ஒருவர் வாழ்ந்து வந்தார். அவர் எப்போதும் மற்றவர்களுக்கு நல்ல அறிவுரைகளைக் கூறுவதில் வல்லவர். "குழந்தைகளே ! அதிகாலையில் எழுந்திருக்க வேண்டும். நேரத்தை வீணாக்கக் கூடாது. சுற்றுப்புறத்தைத் தூய்மையாக வைத்திருக்க வேண்டும். பொய் சொல்லக்கூடாது" என்று தினமும் ஊர் மக்களுக்கு அறிவுரை கூறுவார்.

ஆனால், அவர் மட்டும் அதிகாலையில் எழுந்திருக்க மாட்டார். வீட்டைச் சுத்தமாக வைத்திருக்க மாட்டார். நேரத்தையும் வீணடிப்பார். அவர் சொல்வதற்கும் செய்வதற்கும் எந்தத் தொடர்பும் இருக்காது.

ஒருநாள் அந்த ஊருக்கு ஒரு பெரிய அறிஞர் வந்தார். ராமு அவரைச் சந்தித்து,

"ஐயா! நான் தினமும் ஊர் மக்களுக்கு நல்ல அறிவுரைகளைக் கூறுகிறேன். ஆனால் அவர்கள் யாரும் என்னைப் பாராட்டுவதில்லை " என்றார்.

அதற்கு அந்த அறிஞர், "ராமு! நீ மற்றவர்களுக்கு அறிவுரை கூறுவதற்கு முன்பு, அந்த அறிவுரைகளை உன் வாழ்க்கையில் கடைப்பிடிக்கிறாயா என்று சிந்தித்துப் பார். நீ சொல்வதை நீயே பின்பற்றவில்லை என்றால், உன் அறிவுரைகளுக்கு எப்படி மதிப்பு கிடைக்கும்?" என்று கேட்டார். அந்த வார்த்தைகள் ராமுவின் மனதைத் தொட்டன.

அன்றிலிருந்து அவர் மற்றவர்களுக்கு அறிவுரை கூறுவதைக் குறைத்துக்கொண்டு, முதலில் தன்னுடைய பழக்கங்களை மாற்றிக்கொண்டார். அதிகாலையில் எழுந்தார். வீட்டைத் தூய்மையாக வைத்தார். நேரத்தைச் சரியாகப் பயன்படுத்தினார்.

சில நாட்களிலேயே ஊர் மக்கள் அவரிடம் நல்ல மாற்றத்தைக் கவனித்தனர். அவர் சொன்ன அறிவுரைகளை விட, அவருடைய செயல்களே மக்களுக்கு நல்ல பாடமாக அமைந்தன.

நீதி: ஊருக்குத்தான் உபதேசம், நமக்கில்லை என்று வாழக்கூடாது. பிறருக்கு அறிவுரை கூறுவதற்கு முன்பு நாம் அதன்படி நடக்க வேண்டும். சொல்லுவதைக் காட்டிலும் செயல்படுத்திக் காட்டுவதே சிறந்த பண்பாகும்!

இன்றைய செய்திகள்

10.11.2026

🗒️சென்னையில் 4 இடங்களில் காற்றின் தரம் மிக மோசம்

2025ஆம் ஆண்டில் 161.69 ஆக இருந்த காற்று மாசு 2026ஆம் ஆண்டில் மேலும் அதிகரித்துள்ளது.

🗒️முதல்-அமைச்சர் ஜோசப் விஜய் உத்தரவின் பேரில் 1,000 புதிய ஏ.சி. மின்சாரப் பேருந்துகள் கொள்முதல் செய்யப்படும் .

🗒️1,364 புற்றுநோய் மருந்துகளின் விலை அதிரடி குறைப்பு என்பது நாடு முழுவதும் இன்று முதல் அமலுக்கு வந்தது.

🗒️ஏமன் நாட்டில் சிக்கித் தவித்த 19 இந்திய மாலுமிகள் பத்திரமாக மீட்க்கப்பட்டனர் .

🏀விளையாட்டுச் செய்திகள்

🏃🏻‍♀️இந்தியாவின் 100-வது செஸ் கிராண்ட்மாஸ்டர்... அனுஜ் ஸ்ரீவாத்ரி சாதனை. மத்தியப் பிரதேசத்தின் முதல் கிராண்ட்மாஸ்டர் என்ற சாதனையைப் புரிந்துள்ளார்.

🏃🏻‍♀️ உலக துப்பாக்கி சுடுதலில் தமிழக வீராங்கனை சாதனை வெண்கலம் வென்ற நிவேதிதா

Today's Headlines

 🗒️ Air quality is very poor in four places in Chennai. Air pollution, which was 161.69 in 2025, has increased further in 2026.

🗒️ On the order of Chief Minister Joseph Vijay, 1,000 new AC electric buses will be purchased.

🗒️ The prices of 1,364 cancer medicines have been greatly reduced. This price reduction came into effect across India from today.

🗒️ Nineteen Indian sailors who were stranded in Yemen have been safely rescued.

🏀 Sports News

 🏀 India's 100th Chess Grandmaster! Anuj Srivastav has achieved this great record. He is also the first Grandmaster from Madhya Pradesh.

🏀 Tamil Nadu player Niveditha won a bronze medal in the World Shooting Championship. She has made our state proud.

பள்ளி காலை வழிபாட்டு செயல்பாடுகள் - 06.11.2026

திருக்குறள்: 

 பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:525

குறள்:

கொடுத்தலும் இன்சொலும் ஆற்றின் அடுக்கிய

சுற்றத்தால் சுற்றப் படும்.

பொருள்:

ஒருவன் தன் சுற்றத்தார்க்கு வேண்டியதைக் கொடுத்தும், அவர்களிடம் இனிய சொற்களைச் சொல்லியும் வருவான் என்றால், பல்வகைச் சுற்றத்தாராலும் அவன் சூழப்படுவான்.

  

பழமொழி :

True friendship never fails.

உணமையான அன்பு என்றும் தோற்பதில்லை.

இரண்டொழுக்க பண்புகள் :.

1. என்னால் முடிந்த வரை இயற்கையை பாதிக்காத வகையில் நடந்துகொள்வேன் .

 2. என் பகுதியைச் சுற்றியுள்ள நீர் நிலைகளை அசுத்தப் படுத்தாமல் பாதுகாப்பேன்.

பொன்மொழி :

“வாழ்க்கையில் ஏற்றும் ஒவ்வொரு நல்லெண்ணமும் ஒரு தீபமே; பிறர் வாழ்வில் ஒளி ஏற்றுவதே உண்மையான தீபாவளி!

Thought for the Day :

Every good thought is a lamp we light in life; bringing light into the lives of others is the true spirit of Diwali!

பொது அறிவு : 

1." இந்தியாவின் நோபல் விருது" என்று அழைக்கப்படும் விருது எது? 

பாரத ரத்னா விருது.

 2. தமிழ்நாட்டின் சிறந்த காவல் நிலைய விருதைப் பெற்ற காவல் நிலையம் எது?

 மதுரை

English words :

1. Pragmatic - நடைமுறைக்கேற்ற - Practical

2. Tenacity - விடாமுயற்சி-Persistence

புவியியலும் சுற்றுசூழலும் :

மக்கும் கழிவுகள் உரமாக்க படுகின்றன

உணவுக் கழிவுகள் மற்றும் இலைகள் போன்ற மக்கும் கழிவுகளைப் பயன்படுத்தி இயற்கை உரம் தயாரிக்க படுகிறது.

காகிதம், பிளாஸ்டிக், கண்ணாடி, உலோகம் போன்ற மறுசுழற்சி செய்யக்கூடிய பொருட்கள் பிரிக்கப்பட்டு மறுபயன்பாட்டிற்காக அனுப்பப்படுகின்றன.

NMMS :

MAT 

கொடுக்கப்பட்டுள்ள தொடரை பூர்த்தி செய்க

விடை : (1)

நவம்பர் 06

போர் மற்றும் ஆயுத மோதலில் சுற்றுச்சூழலை சுரண்டுவதைத் தடுப்பதற்கான பன்னாட்டு நாள்

நீதிக்கதை

 பொறாமை கொண்ட மயிலும் சிறிய குருவியும்

ஒரு அழகான காட்டில் ஒரு மயிலும் ஒரு சிறிய குருவியும் மற்றும் அநேக அழகிய பறவைகளும்  வாழ்ந்து வந்தன.

மயில் தனது அழகான தோகையைப் பார்த்து மிகவும் பெருமைப்பட்டுக் கொண்டிருந்தது. குருவியோ சிறியதாக இருந்தாலும், இனிமையாகப் பாடும் திறமை கொண்டிருந்தது.

ஒருநாள் காட்டில் உள்ள பறவைகள் அனைத்தும் ஒன்று கூடி ஒரு பாடல் போட்டியை நடத்தின. குருவி அழகாகப் பாடியது. அதைக் கேட்ட பறவைகள் அனைத்தும் மகிழ்ச்சியுடன் கைதட்டின.

இதைக் கண்ட மயிலுக்குக் குருவியின் மீது பொறாமை ஏற்பட்டது.

“என்னிடம் அழகான தோகை இருக்கிறது. ஆனால், இந்தச் சிறிய குருவியை எல்லோரும் பாராட்டுகிறார்களே!” என்று மயில் வருத்தப்பட்டது.

அடுத்த நாள் குருவி பாடுவதற்காக மரக்கிளையில் அமர்ந்தது. அப்போது மயில் அதன் அருகில் சென்று, “உன் குரல் அவ்வளவு சிறப்பாக இல்லை. நீ பாடாமல் இருந்தால் நன்றாக இருக்கும்” என்று கூறியது.

குருவி வருத்தமடைந்து அமைதியாக இருந்தது.

சில நாட்களுக்குப் பிறகு காட்டில் பலத்த மழை பெய்தது. ஒரு சிறிய குருவிக்குஞ்சு தனது கூட்டிலிருந்து தவறி கீழே விழுந்தது. அதைக் கண்ட மயில், பொறாமையினால் கண்டும் காணாதது போல் சென்று விட்டது. அதை அருகில் இருந்து பார்த்த ஒரு கிளி குருவியின் தாயை வேகமாக ஓடி அழைத்து வந்தது. 

 அங்கு வந்த தாய்க்குருவி தனது இனிய குரலில் மற்ற பறவைகளை அழைத்தது. பறவைகள் அனைத்தும் ஒன்றுகூடி, குருவிக்குஞ்சை பாதுகாப்பாகக் கூட்டில் சேர்த்தன. அப்போது கிளி மயில் செய்ததை மற்ற பறவைகளிடம் கூறியது. அதைக் கேட்ட வயசான ஆந்தை மயிலை திட்டியது. பொறாமை ஒரு எலும்புருக்கி அது பிற உயிர்களின் உயிரை எடுக்கும் என்று கூறியது.

மயில் தன் தவறை உணர்ந்தது.

“குருவியின் திறமையைப் பார்த்து நான் பொறாமைப்பட்டேன். ஆனால், அதன் அன்பும் மற்றவர்களுக்கு உதவும் குணமும் எவ்வளவு சிறந்தவை! இன்று அதன் குழந்தை ஆபத்தில் இருந்து காப்பாற்றப் பட்டதே” என்று நினைத்தது.

மயில் குருவியிடம் மன்னிப்புக் கேட்டது. குருவியும் மயிலை மன்னித்தது.

அன்று முதல் மயில் மற்ற பறவைகளின் திறமைகளைப் பாராட்டத் தொடங்கியது. காட்டில் உள்ள பறவைகள் அனைத்தும் மகிழ்ச்சியாக வாழ்ந்தன.

இன்றைய செய்திகள்

06.11.2026

🗒️இயற்கைப் பேரிடரிலிருந்து உயிர்களைக் காப்போம்: நவம்பர் 5 உலக சுனாமி விழிப்புணர்வு தினம்.

🗒️ தீபாவளியை முன்னிட்டு இன்று ரேஷன் கடைகள் செயல்படும் என அறிவிப்பு.

🗒️ஜனாதிபதி திரவுபதி முர்முவுடன் தமிழக கவர்னர் அர்லேகர் மரியாதை நிமித்தமாக  சந்தித்தார்.

🗒️கூகுள் நிறுவனம் 5 நாடுகளில் உள்ள  ஊழியர்களுக்கு விருப்ப ஓய்வு திட்டத்தை அறிவித்துள்ளது.

🏀விளையாட்டுச் செய்திகள்.

🏃🏻‍♀️தேசிய ஜூனியர் சைக்கிளிங்:

 தமிழக அணி 1 நிமிடம் 16.383 வினாடிகளில் இலக்கை கடந்து புதிய தேசிய சாதனையுடன் தங்கப்பதக்கத்தை வென்றது.

🏃🏿சர்வதேச கால்பந்து போட்டிகளில் இருந்து ஓய்வு என கிறிஸ்டியானோ ரொனால்டோ அறிவிப்பு.

Today's Headlines

🗒️ November 5 is observed as World Tsunami Awareness Day to create awareness about saving lives from natural disasters.

🗒️ It has been announced that ration shops will remain open today due to Diwali.

🗒️ Tamil Nadu Governor Arlekar met President Droupadi Murmu as a courtesy visit.

🗒️ Google has announced a voluntary retirement scheme for its employees in five countries.

🏀 Sports News

🏃🏻‍♀️ National Junior Cycling:

The Tamil Nadu team won the gold medal by completing the race in 1 minute and 16.383 seconds, setting a new national record.

🏃🏿 Football:

Cristiano Ronaldo has announced his retirement from international football.