பள்ளி காலை வழிபாட்டு செயல்பாடுகள் - 06.11.2026

திருக்குறள்: 

 பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:525

குறள்:

கொடுத்தலும் இன்சொலும் ஆற்றின் அடுக்கிய

சுற்றத்தால் சுற்றப் படும்.

பொருள்:

ஒருவன் தன் சுற்றத்தார்க்கு வேண்டியதைக் கொடுத்தும், அவர்களிடம் இனிய சொற்களைச் சொல்லியும் வருவான் என்றால், பல்வகைச் சுற்றத்தாராலும் அவன் சூழப்படுவான்.

  

பழமொழி :

True friendship never fails.

உணமையான அன்பு என்றும் தோற்பதில்லை.

இரண்டொழுக்க பண்புகள் :.

1. என்னால் முடிந்த வரை இயற்கையை பாதிக்காத வகையில் நடந்துகொள்வேன் .

 2. என் பகுதியைச் சுற்றியுள்ள நீர் நிலைகளை அசுத்தப் படுத்தாமல் பாதுகாப்பேன்.

பொன்மொழி :

“வாழ்க்கையில் ஏற்றும் ஒவ்வொரு நல்லெண்ணமும் ஒரு தீபமே; பிறர் வாழ்வில் ஒளி ஏற்றுவதே உண்மையான தீபாவளி!

Thought for the Day :

Every good thought is a lamp we light in life; bringing light into the lives of others is the true spirit of Diwali!

பொது அறிவு : 

1." இந்தியாவின் நோபல் விருது" என்று அழைக்கப்படும் விருது எது? 

பாரத ரத்னா விருது.

 2. தமிழ்நாட்டின் சிறந்த காவல் நிலைய விருதைப் பெற்ற காவல் நிலையம் எது?

 மதுரை

English words :

1. Pragmatic - நடைமுறைக்கேற்ற - Practical

2. Tenacity - விடாமுயற்சி-Persistence

புவியியலும் சுற்றுசூழலும் :

மக்கும் கழிவுகள் உரமாக்க படுகின்றன

உணவுக் கழிவுகள் மற்றும் இலைகள் போன்ற மக்கும் கழிவுகளைப் பயன்படுத்தி இயற்கை உரம் தயாரிக்க படுகிறது.

காகிதம், பிளாஸ்டிக், கண்ணாடி, உலோகம் போன்ற மறுசுழற்சி செய்யக்கூடிய பொருட்கள் பிரிக்கப்பட்டு மறுபயன்பாட்டிற்காக அனுப்பப்படுகின்றன.

NMMS :

MAT 

கொடுக்கப்பட்டுள்ள தொடரை பூர்த்தி செய்க

விடை : (1)

நவம்பர் 06

போர் மற்றும் ஆயுத மோதலில் சுற்றுச்சூழலை சுரண்டுவதைத் தடுப்பதற்கான பன்னாட்டு நாள்

நீதிக்கதை

 பொறாமை கொண்ட மயிலும் சிறிய குருவியும்

ஒரு அழகான காட்டில் ஒரு மயிலும் ஒரு சிறிய குருவியும் மற்றும் அநேக அழகிய பறவைகளும்  வாழ்ந்து வந்தன.

மயில் தனது அழகான தோகையைப் பார்த்து மிகவும் பெருமைப்பட்டுக் கொண்டிருந்தது. குருவியோ சிறியதாக இருந்தாலும், இனிமையாகப் பாடும் திறமை கொண்டிருந்தது.

ஒருநாள் காட்டில் உள்ள பறவைகள் அனைத்தும் ஒன்று கூடி ஒரு பாடல் போட்டியை நடத்தின. குருவி அழகாகப் பாடியது. அதைக் கேட்ட பறவைகள் அனைத்தும் மகிழ்ச்சியுடன் கைதட்டின.

இதைக் கண்ட மயிலுக்குக் குருவியின் மீது பொறாமை ஏற்பட்டது.

“என்னிடம் அழகான தோகை இருக்கிறது. ஆனால், இந்தச் சிறிய குருவியை எல்லோரும் பாராட்டுகிறார்களே!” என்று மயில் வருத்தப்பட்டது.

அடுத்த நாள் குருவி பாடுவதற்காக மரக்கிளையில் அமர்ந்தது. அப்போது மயில் அதன் அருகில் சென்று, “உன் குரல் அவ்வளவு சிறப்பாக இல்லை. நீ பாடாமல் இருந்தால் நன்றாக இருக்கும்” என்று கூறியது.

குருவி வருத்தமடைந்து அமைதியாக இருந்தது.

சில நாட்களுக்குப் பிறகு காட்டில் பலத்த மழை பெய்தது. ஒரு சிறிய குருவிக்குஞ்சு தனது கூட்டிலிருந்து தவறி கீழே விழுந்தது. அதைக் கண்ட மயில், பொறாமையினால் கண்டும் காணாதது போல் சென்று விட்டது. அதை அருகில் இருந்து பார்த்த ஒரு கிளி குருவியின் தாயை வேகமாக ஓடி அழைத்து வந்தது. 

 அங்கு வந்த தாய்க்குருவி தனது இனிய குரலில் மற்ற பறவைகளை அழைத்தது. பறவைகள் அனைத்தும் ஒன்றுகூடி, குருவிக்குஞ்சை பாதுகாப்பாகக் கூட்டில் சேர்த்தன. அப்போது கிளி மயில் செய்ததை மற்ற பறவைகளிடம் கூறியது. அதைக் கேட்ட வயசான ஆந்தை மயிலை திட்டியது. பொறாமை ஒரு எலும்புருக்கி அது பிற உயிர்களின் உயிரை எடுக்கும் என்று கூறியது.

மயில் தன் தவறை உணர்ந்தது.

“குருவியின் திறமையைப் பார்த்து நான் பொறாமைப்பட்டேன். ஆனால், அதன் அன்பும் மற்றவர்களுக்கு உதவும் குணமும் எவ்வளவு சிறந்தவை! இன்று அதன் குழந்தை ஆபத்தில் இருந்து காப்பாற்றப் பட்டதே” என்று நினைத்தது.

மயில் குருவியிடம் மன்னிப்புக் கேட்டது. குருவியும் மயிலை மன்னித்தது.

அன்று முதல் மயில் மற்ற பறவைகளின் திறமைகளைப் பாராட்டத் தொடங்கியது. காட்டில் உள்ள பறவைகள் அனைத்தும் மகிழ்ச்சியாக வாழ்ந்தன.

இன்றைய செய்திகள்

06.11.2026

🗒️இயற்கைப் பேரிடரிலிருந்து உயிர்களைக் காப்போம்: நவம்பர் 5 உலக சுனாமி விழிப்புணர்வு தினம்.

🗒️ தீபாவளியை முன்னிட்டு இன்று ரேஷன் கடைகள் செயல்படும் என அறிவிப்பு.

🗒️ஜனாதிபதி திரவுபதி முர்முவுடன் தமிழக கவர்னர் அர்லேகர் மரியாதை நிமித்தமாக  சந்தித்தார்.

🗒️கூகுள் நிறுவனம் 5 நாடுகளில் உள்ள  ஊழியர்களுக்கு விருப்ப ஓய்வு திட்டத்தை அறிவித்துள்ளது.

🏀விளையாட்டுச் செய்திகள்.

🏃🏻‍♀️தேசிய ஜூனியர் சைக்கிளிங்:

 தமிழக அணி 1 நிமிடம் 16.383 வினாடிகளில் இலக்கை கடந்து புதிய தேசிய சாதனையுடன் தங்கப்பதக்கத்தை வென்றது.

🏃🏿சர்வதேச கால்பந்து போட்டிகளில் இருந்து ஓய்வு என கிறிஸ்டியானோ ரொனால்டோ அறிவிப்பு.

Today's Headlines

🗒️ November 5 is observed as World Tsunami Awareness Day to create awareness about saving lives from natural disasters.

🗒️ It has been announced that ration shops will remain open today due to Diwali.

🗒️ Tamil Nadu Governor Arlekar met President Droupadi Murmu as a courtesy visit.

🗒️ Google has announced a voluntary retirement scheme for its employees in five countries.

🏀 Sports News

🏃🏻‍♀️ National Junior Cycling:

The Tamil Nadu team won the gold medal by completing the race in 1 minute and 16.383 seconds, setting a new national record.

🏃🏿 Football:

Cristiano Ronaldo has announced his retirement from international football.

பள்ளி காலை வழிபாட்டு செயல்பாடுகள் - 05.11.2026

திருக்குறள்: 

பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:524

குறள்:

சுற்றத்தால் சுற்றப் படஒழுகல் செல்வந்தான்

பெற்றத்தால் பெற்ற பயன்.

பொருள்:

தன் சுற்றத்தால் தான் சூழப்படும்படி அவர்களைத் தழுவி வாழ்வதே ஒருவன் செல்வத்தைப் பெற்றதன் பயன் ஆகும்.

பழமொழி :

Too much rest is rust.

துலக்காத ஆயுதம் துருப்பிடிக்கும்.

இரண்டொழுக்க பண்புகள் :.

1. என்னால் முடிந்த வரை இயற்கையை பாதிக்காத வகையில் நடந்துகொள்வேன் .

 2. என் பகுதியைச் சுற்றியுள்ள நீர் நிலைகளை அசுத்தப் படுத்தாமல் பாதுகாப்பேன்.

பொன்மொழி : 

 “ஒரு சிறிய விளக்கும் இருளை அகற்றும்; ஒரு சிறிய நற்செயலும் பெரிய தாக்கத்தை ஏற்படுத்தும்.”

Thought for the Day :

Peace begins when you stop fighting what you cannot change

பொது அறிவு : 

1. உள்ளாட்சி தினம் எப்போது கொண்டாடப்படுகிறது? 

நவம்பர் 1. 

2.உள்ளாட்சி அமைப்பின் தந்தை யார்? 

ரிப்பன் பிரபு. 

English words :

1. Resilient - மீண்டெழும் - Tenacious

2. Ambiguous - தெளிவற்ற - Equivocal

புவியியலும் சுற்றுசூழலும் :

பின்னர் கழிவுகளைத் தரம் பிரித்து அதாவது

* மக்கும் கழிவுகள் – உணவுக் கழிவுகள், காய்கறித் தோல்கள்.

* மக்காத கழிவுகள் – பிளாஸ்டிக், கண்ணாடி, உலோகம் போன்றவை.

வாகனங்கள் மூலம் உரிய செயலாக்க மையங்களுக்குக் கொண்டு செல்லப்படுகின்றன.

NMMS :

MAT 

விடை: (2)

நவம்பர் 05

விராட்கோலி அவர்களின் பிறந்தநாள்

விராட் கோலி (பிறப்பு: நவம்பர் 5, 1988) ஓர் இந்தியத் துடுப்பாட்டவீரர் ஆவார். இந்திய அணியின்,ராயல் சேலஞ்சர்ஸ் பெங்களூர் அணிகளின் முன்னாள் தலைவருமாவார்.வலது கை மட்டையாளரான இவர் சர்வதேச சிறந்த துடுப்பாட வீரர்களில் ஒருவராகக் கருதப்படுகிறார். விராட் கோலி பல விருதுகளைப் பெற்றுள்ளார். குறிப்பாக 2017 ஆம் ஆண்டு சோபர்ஸ் விருது , 2012 ஆம் ஆண்டின் சிறந்த ஒருநாள் பன்னாட்டுத் துடுப்பாட்ட வீரர் விருது, 2016மற்றும் 2017 ஆம் ஆண்டுகளில் சிறந்த வீரராக விசுடன் விருது . இவரின் சிறப்பான பங்களிப்பிற்காக இந்திய அரசு இவருக்கு அர்ஜுனா விருது வழங்கியது. 2017 ஆம் ஆண்டில் விளையாட்டுத் துறை பிரிவில் பத்மஶ்ரீ விருது வழங்கியது.. துடுப்பாட்டப் போட்டிகளில் விளையாடுவது மட்டுமல்லாது இந்தியன் சூப்பர் லீக் போட்டித் தொடரில் எஃப்சி கோவா அணி,சர்வதேச டென்னிசு பிரீமியர் லீக் தொடரில் ஐக்கிய அரபு ராயல்ஸ் மற்றும் இந்திய மற்போர் போட்டித் தொடரில் பெங்களூரு யோதாஸ் அணிகளை இணைந்து விலைக்கு வாங்கியுள்ளார். மிகப் பிரபலமான விளையாட்டு வீரர்களில் ஒருவராக இவரை ஈஎஸ்பிஎன்அறிவித்தது. மேலும் மதிப்புமிக்க தடகள வீரர்களில் ஒருவராக இவரை போர்ப்ஸ் இதழ் அறிவித்தது. 2018 ஆம் ஆண்டில் டைம் இதழ் சக்தி வாய்ந்த 100 நபர்களில் ஒருவராக இவரை அறிவித்தது.[]ஏப்ரல் 22, 2021இல் ஐபிஎல் போட்டிகளில் 6,000 ஓட்டங்களை எடுத்த முதல் வீரர் எனும் சாதனை படைத்தார்.

உலக சுனாமி விழிப்புணர்வு நாள் (World Tsunami Awareness Day)

உலக சுனாமி விழிப்புணர்வு நாள் (World Tsunami Awareness Day) ஒவ்வோர் ஆண்டும் நவம்பர் மாதம் 5 ஆம் தேதியன்று அனுசரிக்கப்படுகிறது. சுனாமியின் அபாயகரமான விளைவுகள், சுனாமி முன்னெச்சரிக்கை மற்றும் சுனாமியின் முக்கியத்துவத்தின் முக்கியத்துவத்தைப் பற்றிய விழிப்புணர்வை ஏற்படுத்துவதற்காக இந்நிகழ்வு நடத்தப்படுகிறது.சுனாமி பாதிப்புகள் குறித்து மக்களிடம் விழிப்புணர்வு ஏற்படுத்துவதன் மூலம் அது குறித்த பாதிப்பை பெருமளவில் குறைக்க முடியும் என்பதே இதன் நோக்கமாகும்.

நீதிக்கதை

 பெருமையே அழிவுக்குக் காரணம்

ஒரு அழகான காட்டில் ஒரு மயில் வாழ்ந்து வந்தது. அதன் அழகான தோகையைக் கண்டு மற்ற விலங்குகள் பாராட்டின.

மயிலுக்குத் தன் அழகின் மீது பெருமை அதிகமானது. மற்ற பறவைகளைத் தாழ்வாக எண்ணியது. குறிப்பாக, தன்னுடைய தோகையைப் போல அழகில்லாத காகத்தை அடிக்கடி கேலி செய்தது.

ஒருநாள் காட்டில் பலத்த மழை பெய்தது. மயில் தன் அழகான தோகையை விரித்துக்கொண்டு மழையில் பெருமையாக  நடனமாடியது. அப்போது திடீரெனப் பலத்த காற்று வீசியது. அடித்த பலத்த காற்றில் அதன் தோகை  ஒரு மரத்தில் சிக்கி, மயிலால் பறக்க முடியாமல் போனது.

அருகில் இருந்த காகம் இதைக் கவனித்தது. உடனே மற்ற பறவைகளை அழைத்து, மயிலுக்கு உதவியது. அனைவரும் சேர்ந்து மயிலைப் பாதுகாப்பான இடத்திற்குக் கொண்டு சென்றனர்.

மயில் தன் தவறை உணர்ந்தது. தன்னை எப்போதும் கேலி செய்த காகமே தனக்கு உதவியதை நினைத்து வெட்கப்பட்டது.

“என் அழகைப் பற்றி நான் பெருமைப்பட்டேன். ஆனால் உங்களுடைய உதவும் மனப்பான்மையைப் புரிந்துகொள்ளவில்லை. என்னை மன்னித்துவிடுங்கள்,” என்று மயில் கூறியது.

அன்றிலிருந்து மயில் மற்ற பறவைகளை மதித்து, அனைவருடனும் அன்பாக வாழ்ந்தது.

 நீதிக்கருத்து

பெருமை அழிவைத் தரும்; பணிவு உயர்வைத் தரும்.

இன்றைய செய்திகள்

05.11.2026

🗒️மீனவப் பயனாளிகளுக்கு பல்வேறு அரசு நலத்திட்டங்களின் திட்ட உதவிகளை வழங்கினார் அமைச்சர் ஸ்ரீநாத்.

 🗒️தீபாவளியை முன்னிட்டு சென்னையில் சிறப்பு கண்காட்சியில் மகளிர் சுய உதவிக் குழு பொருட்கள் விற்பனைக்கு வைக்கப்பட்டது.

🗒️அக்னிவீரர் திட்டத்தின் சேவைக்காலம் 6 ஆண்டுகளாக நீட்டிப்பு

அக்னிவீரர்களின் சேவைக் காலத்தை மத்திய அரசு மேலும் 2 ஆண்டுகள் நீட்டிக்கப்பட்டுள்ளது.

🏀விளையாட்டுச் செய்திகள்

🏃🏃🏻‍♀️உலக டூர் பேட்மிண்டன் இறுதிப் போட்டிக்கு தகுதி பெற்ற பி.வி. சிந்து.

🏏3-வது இடத்தில் முதல் இடம், 13 ஆயிரம் ரன்களை கடந்து விராட் கோலி சாதனை, ரிக்கி பாண்டிங் 12,662 ரன்களுடன் இரண்டாவது இடத்தில் உள்ளார்.

Today's Headlines

🗒️ Minister Srinath distributed various government welfare scheme benefits to fishermen.

🗒️ On the occasion of Diwali, products made by Women's Self-Help Groups were displayed for sale at a special exhibition in Chennai.

🗒️ Agniveer service period extended to 6 years. The Central Government has extended Agniveers' service period by another two years.

🏀 SPORTS NEWS

🏃🏃🏻‍♀️ P. V. Sindhu has qualified for the World Tour Badminton Finals.

🏏 Virat Kohli has created a record by crossing 13,000 runs and reaching third position. Ricky Ponting is in second place with 12,662 runs.

பள்ளி காலை வழிபாட்டு செயல்பாடுகள் - 04.11.2026

திருக்குறள்: 

 பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:523

குறள்:

அளவளா வில்லாதான் வாழ்க்கை குளவளாக்

கோடின்றி நீர்நிறைந் தற்று. 

பொருள்:

சுற்றத்தாரோடு மனந்திறந்து உறவாடாதவன் வாழ்க்கை, கரை இல்லாத குளப்பரப்பில் நீர் நிறைந்திருப்பது போன்றது.

பழமொழி :

Too much of anything is good for nothing.

அளவுக்கு மிஞ்சினால் அமிர்தமும் நஞ்சு.

இரண்டொழுக்க பண்புகள் :.

1. என்னால் முடிந்த வரை இயற்கையை பாதிக்காத வகையில் நடந்துகொள்வேன் .

 2. என் பகுதியைச் சுற்றியுள்ள நீர் நிலைகளை அசுத்தப் படுத்தாமல் பாதுகாப்பேன்.

பொன்மொழி : 

மன அமைதியே மகிழ்ச்சியின் அடித்தளம்; தன்னம்பிக்கையே வெற்றியின் திறவுகோல். நேர்மறை எண்ணங்களுடன் வாழ்வை எதிர்கொள்வோம்!

Thought for the Day :

Peace of mind is the foundation of happiness; self-confidence is the key to success. Let us face life with positive thoughts!

பொது அறிவு : 

1. மயிலாடுதுறை தேரழுந்தூரில் ஆவணப்படுத்தப்பட்ட கல்வெட்டுகள் எந்த அரசை பற்றியது?

 முதலாம் ராஜராஜன். 

2. கிராம சபை கூட்டம் ஆண்டுக்கு எத்தனை முறை கூட்டப்படுகிறது? 

ஆறு முறை.

English words :

1. Meticulous - நுணுக்கமான - Thorough

2. Eloquent - சொல்வளமுள்ள - Articulate

புவியியலும் சுற்றுசூழலும் :

1. முதுமலை தேசிய பூங்கா மற்றும் வனவிலங்கு சரணாலயம்• அமைவிடம்: நீலகிரி மாவட்டம் (தமிழ்நாடு, கர்நாடகா மற்றும் கேரளா முச்சந்திப்பில் அமைந்துள்ளது).

• சிறப்பு: இதுவே தமிழ்நாட்டின் முதல் பாதுகாக்கப்பட்ட வனப்பகுதியாகும் (1940). நீலகிரி உயிர்க்கோள காப்பகத்தின் முக்கிய அங்கமாக விளங்குகிறது.

• விலங்கினங்கள்: புலிகள், ஆசிய யானைகள், சிறுத்தைகள் மற்றும் அரிய வகை பறவைகள்.

NMMS 

விடை : (3)

நவம்பர் 04

வில்ஃபிரட் ஓவன் (Wilfred Owen, பி. மார்ச் 18, 1893 - இ. நவம்பர் 4, 1918) ஒரு ஆங்கிலக் கவிஞர் மற்றும் ஐக்கிய இராச்சியத்தின் படைவீரர். இவர் முதலாம் உலகப் போரின் முக்கியமான கவிஞர்களுள் ஒருவராக கருதப்படுகிறார். போர் நடந்த காலகட்டத்தில் போரையும் அதன் பின்னணி அரசியலையும் ஆதரித்து பரப்புரைக் கவிதைகளே வெளியாகிக் கொண்டிருந்த காலகட்டத்தில், போர் முனையிலிருந்து கொண்டே போரின் கடுமையினையும் உண்மையையும் பிரதிபலிக்கும் வண்ணம் ஓவன் எழுதிய கவிதைகள் பெரும் தாக்கத்தை ஏற்படுத்தின. ஓவனின் நண்பரும் சக கவிஞருமான சிக்ஃபிரைட் சாசூன் சாதாரண போர் வீரனாக இருந்த ஓவனைக் கவிதை எழுதத் தூண்டினார். பதுங்கு குழி போர் முறையின் கொடூரங்களையும், நச்சுப்புகை தாக்குதல்களின் அவலங்களையும் ஓவனின் கவிதைகள் துல்லியமாக படம்பிடித்துக் காட்டின. 1918ல் போர் முடிவதற்கு ஒரு வாரம் முன்னர் போர்க்களத்தில் ஓவன் கொல்லப்பட்டார். 1919ல் அவரது கவிதைகள் அடங்கிய தொகுப்பு வெளியானது. வெளியாகி சுமார் நூறாண்டுகள் கடந்த பின்னரும், போர்க் கவிதை மரபில் ஓவன் அழியாத இடம் பெற்றிருக்கிறார். அவரது கவிதைகள் உலகெங்கும் பல கல்லூரிகள் மற்றும் பள்ளிகளின் பாடத்திட்டங்களில் இடம் பெற்று வருகின்றன.

நீதிக்கதை

அதிகாலையில் எழுவதன் நன்மை

ஒரு அழகான கிராமத்தில் விஜய், சஞ்சய் என்ற இரண்டு நண்பர்கள் வாழ்ந்து வந்தனர். இருவரும் ஒரே பள்ளியில் படித்து வந்தனர். சஞ்சய் தினமும் இரவு நேரம் வரை தொலைக்காட்சி பார்த்துவிட்டு தாமதமாகத் தூங்குவான். காலையில் வெகுநேரம் கழித்தே எழுவான். இதனால் அவசர அவசரமாகப் பள்ளிக்குத் தயாராவான். காலை உணவைக்கூட சரியாகச் சாப்பிடாமல் பள்ளிக்குச் செல்வான்.

ஆனால், விஜய் தினமும் இரவு சரியான நேரத்தில் தூங்கிவிட்டு, அதிகாலையில் எழுவான். காலையில் பல் துலக்கி, உடற்பயிற்சி செய்து, சிறிது நேரம் நடைப்பயிற்சி மேற்கொள்வான். பின்னர் குளித்துவிட்டு, சத்தான காலை உணவைச் சாப்பிட்டுவிட்டு மகிழ்ச்சியாகப் பள்ளிக்குச் செல்வான்.

ஒருநாள் பள்ளியில் ஆசிரியர் இருவரிடமும், "காலையில் சுறுசுறுப்பாக இருப்பதற்கு என்ன காரணம்?" என்று கேட்டார்.

அப்போது விஜய், "ஆசிரியரே ! அதிகாலை க்ஷயில் எழுவதால் நமக்குப் புத்துணர்ச்சியும் மன அமைதியும் கிடைக்கிறது. அன்றைய வேலைகளைப் பதற்றமின்றிச் செய்ய முடிகிறது. அதுமட்டுமின்றி, படிப்பதற்கும் விளையாடுவதற்கும் போதிய நேரம் கிடைக்கிறது" என்றான்.

இதைக் கேட்ட சஞ்சய் தன்னுடைய தவறை உணர்ந்தான். அன்று முதல் இரவில் சரியான நேரத்தில் தூங்கி, காலையில் சரியான நேரத்தில் எழும் பழக்கத்தைப் பின்பற்றத் தொடங்கினான். நாளடை வில் சஞ்சயும் சுறுசுறுப்பாகவும் மகிழ்ச்சியாகவும் மாறினான்.

நீதி:

"அதிகாலை யில் எழும் பழக்கம் உடலுக்கும் உள்ளத்திற்கும் நன்மை தரும். சரியான நேரத்தில் தூங்கி, சரியான நேரத்தில் எழுவோம்; ஆரோக்கியமான வாழ்வைப் பெறுவோம்!" 🌞 

இன்றைய செய்திகள்

04.11.2026

🗒️திருமூர்த்தி அணையில் இருந்து இன்று தண்ணீர் திறக்கப்படும் என தமிழக அரசு அறிவிப்பு

🗒️தமிழ்நாட்டில் மறுசீரமைப்புக்கு பிறகு 56 வாக்குச்சாவடிகள் அதிகரிப்பு என தேர்தல் ஆணையர் அர்ச்சனா பட்நாயக் தகவல்.

🗒️இந்தியா - அமெரிக்க முப்படைகளின் கூட்டுப் பயிற்சி விசாகப்பட்டினத்தில் தொடங்கியது.

விளையாட்டுச் செய்திகள்

🏀உலக பேட்மிண்டன் தரவரிசை: 6-வது இடத்துக்கு முன்னேறி பி.வி. சிந்து அசத்தல்.

🏀உலக துப்பாக்கி சுடுதல் சாம்பியன்ஷிப்: ஆண்கள் 50 மீட்டர் பிஸ்டலில் இந்தியாவுக்கு தங்கம்.

Today's Headlines

HEADLINE NEWS

🗒️ The Tamil Nadu Government has announced that water will be released from the Thirumoorthy Dam today.

🗒️ After reorganisation, 56 more polling booths have been added in Tamil Nadu, said Election Commissioner Archana Patnaik.

🗒️ A joint military exercise between the Indian and US armed forces has started in Visakhapatnam.

🏀 SPORTS NEWS

🏀 World Badminton Rankings: P. V. Sindhu has achieved an impressive 6th place in the world rankings.

🏀 World Shooting Championship: India has won a gold medal in the Men's 50-metre pistol event.

Covai women ICT_போதிமரம்

பள்ளி காலை வழிபாட்டு செயல்பாடுகள் - 03.11.2026

திருக்குறள்: 

பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:522

குறள்:

விருப்பறாச் சுற்றம் இயையின் அருப்பறா

ஆக்கம் பலவும் தரும்.

பொருள்:

அன்பில் நீங்காத சுற்றத்தார் அமைந்தனரானால், அது குறைவில்லாமல் வளருகின்ற பல செல்வ நலங்களையும் ஒருவனுக்குக் கொடுப்பதாகும்.

பழமொழி :

Too many cooks spoil the broth.

பலர் செய்யும் காரியம் பாழாகும்.

இரண்டொழுக்க பண்புகள் :.

1. என்னால் முடிந்த வரை இயற்கையை பாதிக்காத வகையில் நடந்துகொள்வேன் .

 2. என் பகுதியைச் சுற்றியுள்ள நீர் நிலைகளை அசுத்தப் படுத்தாமல் பாதுகாப்பேன்.

பொன்மொழி : 

பிறரின் நலனில் அக்கறை கொள்பவன் உண்மையான செல்வந்தன்.

Thought for the Day :

Humble enough to know that 'I' can be replaced and confident enough to know that no one is like me 💐

பொது அறிவு : 

1. எந்த மாநிலம் இந்தியாவில் 100% இயற்கை விவசாயம் செய்கிறது? 

சிக்கிம். 

2. பிச்சாவரம் சதுப்பு நில சுற்றுச்சூழல் அமைப்பின் மொத்த பொருளாதார மதிப்பு எவ்வளவு? 

2485 கோடி. 

English words :

1.Ubiquitous - எங்கும் நிறைந்த - Pervasive

2. Ephemeral - நிலையற்ற - Transient

புவியியலும் சுற்றுசூழலும் :

தமிழ்நாட்டின் முக்கிய வனப்பகுதிகள்/ வன விலங்கு காப்பகங்கள் குறித்து காண்போம். அவை பல முக்கியக் குழுக்களாகப் பிரிக்கப்படுகின்றன.தமிழ்நாட்டின் பல்லுயிர்ப் பெருக்கத்தைப் பாதுகாப்பதில் இங்கிருக்கும் வனப்பகுதிகள் மற்றும் வனவிலங்கு காப்பகங்கள் முக்கியப் பங்கு வகிக்கின்றன. தமிழகத்தில் 5 தேசிய பூங்காக்கள், 15 வனவிலங்கு சரணாலயங்கள் மற்றும் 5 புலிகள் காப்பகங்கள் உள்ளிட்ட பல பாதுகாக்கப்பட்ட வனப்பகுதிகள் அமைந்துள்ளன.

NMMS :

MAT 

விடை: (1)

நவம்பர் 03

அமர்த்தியா சென் அவர்களின் பிறந்தநாள்

அமார்த்ய குமார் சென் (Amartya Sen, பிறப்பு: நவம்பர் 3, 1933) இந்தியாவைச் சேர்ந்த ஒரு பொருளாதார அறிஞர் ஆவார். இவர் 1998 இல் பொருளாதாரத்திற்கான நோபல் பரிசு பெற்றார். மேலும் 1999 இல் பாரத ரத்னா விருதும் பெற்றார். இவர் மேற்கு வங்காளத்தில் உள்ள சாந்தி நிகேதனில் பிறந்தார்.

நீதிக்கதை

 ### 🐿️🐰🦌 ஒற்றுமையே பலம்!

ஒரு அழகான காட்டில் முயல், அணில், மான், குரங்கு ஆகிய நான்கு நண்பர்கள் வாழ்ந்து வந்தனர். அவர்கள் எப்போதும் ஒன்றாக விளையாடி, உணவைப் பகிர்ந்து உண்டு, மகிழ்ச்சியாக வாழ்ந்து வந்தனர்.

ஒருநாள், காட்டில் ஒரு பெரிய பழமரம் நிறைய பழங்களுடன் காணப்பட்டது. அந்த மரத்தில் இருந்த பழங்களைப் பறித்து உண்ண வேண்டும் என்று நண்பர்கள் விரும்பினர். ஆனால், அந்த மரம் மிகவும் உயரமாக இருந்ததால் யாராலும் பழங்களை எளிதாகப் பறிக்க முடியவில்லை.

முதலில் குரங்கு மட்டும் மரத்தில் ஏறி பழங்களைப் பறிக்க முயன்றது. ஆனால், கிளைகள் உயரமாக இருந்ததால் அதனால் பழங்களை எட்ட முடியவில்லை. முயல் தன்னால் முடிந்தவரை குதித்துப் பார்த்தது. அணிலும் மரத்தில் ஏற முயன்றது. ஆனால், அவர்களுடைய தனித்தனி முயற்சிகள் வெற்றி பெறவில்லை.

சிறிது நேரத்திற்குப் பிறகு, நான்கு நண்பர்களும் ஒன்றாகக் கூடி யோசித்தனர். ஒவ்வொருவருக்கும் ஒரு திறமை இருப்பதை அவர்கள் உணர்ந்தனர். குரங்கு மரத்தில் ஏறியது. அணில் சிறிய கிளைகளில் ஓடி, பழங்கள் நிறைந்த கிளைகளைக் கண்டுபிடித்தது. மான் தனது உயரமான கொம்புகளால் தாழ்வாக இருந்த கிளைகளை மெதுவாக அசைத்தது. முயல் கீழே விழுந்த பழங்களைச் சேகரித்து அனைவருக்கும் சமமாகப் பகிர்ந்தது.

அவர்களின் கூட்டு முயற்சியால் ஏராளமான பழங்கள் கிடைத்தன. நான்கு நண்பர்களும் மகிழ்ச்சியுடன் பழங்களைப் பகிர்ந்து உண்டனர்.

அன்று முதல் அவர்கள் ஒருவருக்கொருவர் உதவி செய்து, யாரையும் தனிமைப்படுத்தாமல், எல்லா செயல்களிலும் ஒற்றுமையாகச் செயல்பட்டனர். அவர்களுடைய நட்பைக் கண்ட மற்ற விலங்குகளும் ஒற்றுமையின் முக்கியத்துவத்தைப் புரிந்துகொண்டன.

நண்பர்களுக்குள் சில நேரங்களில் கருத்து வேறுபாடுகள் ஏற்படலாம். ஆனால், ஒருவரை ஒருவர் புரிந்துகொண்டு, விட்டுக்கொடுத்து, உதவி செய்து வாழும்போது நட்பு இன்னும் வலிமையாகும் என்பதை அந்த நான்கு நண்பர்களும் அனைவருக்கும் உணர்த்தினர்.

🌟 நீதி:

“ஒற்றுமையாக இருந்தால் வெற்றி நிச்சயம்! நண்பர்களுடன் அன்பாகவும் ஒற்றுமையாகவும் வாழ்வதே உண்மையான நட்பு.” 💐🙏🏽

இன்றைய செய்திகள்

03.11.2026

🗒️இல்லம் தேடி வரும் ரேஷன் பொருட்கள், நவம்பர் 4, 5-ல் முதியோர், மாற்றுத்திறனாளிகளுக்கு விநியோகம்.

 🗒️ரெயிலில் பட்டாசு கொண்டு சென்றால் 3 ஆண்டுகள் சிறை எனத் தெற்கு ரெயில்வே எச்சரித்துள்ளது.

🗒️கடல் எல்லைகளைப் பாதுகாக்க 8 அதிநவீன போர்க்கப்பல்கள் ஒப்பந்தத்துக்கான கையெழுத்து என பாதுகாப்பு அமைச்சகம் தகவல்.

விளையாட்டுச் செய்திகள்

🏀டென்னிஸ் தரவரிசையில் புதிய வரலாறு படைத்த ஈலா... உலக அளவில் 17-வது இடத்துக்கு முன்னேற்றம்.

🏀அமெரிக்க ஓபன் ஸ்குவாஷ்: சிவசங்கரி அபார வெற்றி,மேலும்  2-வது சுற்றுக்கு முன்னேற்றம்..

🏀டாம்மர் குத்துச்சண்டைப் போட்டி: 14 பதக்கங்களுடன் முதலிடம் பிடித்த இந்தியா... 4 தங்கம் வென்று அசத்தல்.

Today's Headlines

🗒️ Ration items will be delivered to the homes of senior citizens and differently-abled people on November 4 and 5.

🗒️ Southern Railway has warned that carrying firecrackers on trains can lead to 3 years of imprisonment.

🗒️ The Defence Ministry has announced that an agreement has been signed to build 8 advanced warships to protect India's sea borders.

Sports News

🏀 Tennis player Eala has created a new record in the rankings. She moved up to 17th place in the world rankings.

🏀 US Open Squash: Sivasangari won brilliantly and entered the second round.

🏀 Tamam Boxing Competition: India secured first place with 14 medals, including 4 gold medals.

பள்ளி காலை வழிபாட்டு செயல்பாடுகள் - 02.11.2026

திருக்குறள்: 

 பால் : பொருட்பால்

இயல் : அரசியல்

அதிகாரம்:53. சுற்றந் தழால்

குறள் எண்:521

குறள்:

பற்றற்ற கண்ணும் பழைமைபா ராட்டுதல்

சுற்றத்தார் கண்ணே உள.

பொருள்:

ஒருவன் வறியவனான காலத்திலும் அவனுக்கும் தமக்கும் இருந்த உறவைப் பாராட்டிப் பேசும் பண்புகள் சுற்றத்தாரிடம் உண்டு.

பழமொழி :

Tomorrow never comes.

கடந்து போன காலம் கரணம் போட்டாலும் வராது 

இரண்டொழுக்க பண்புகள் :.

1. என்னால் முடிந்த வரை இயற்கையை பாதிக்காத வகையில் நடந்துகொள்வேன் .

 2. என் பகுதியைச் சுற்றியுள்ள நீர் நிலைகளை அசுத்தப் படுத்தாமல் பாதுகாப்பேன்.

பொன்மொழி : 

"உண்மையை உரக்கச் சொல்லும் துணிவே பத்திரிகைத்துறையின் பெருமை; உண்மையை மதித்துப் பாதுகாப்பதே ஜனநாயகத்தின் வலிமை!”

Thought for the Day :

"The pride of journalism; respecting and protecting the truth is the strength of democracy.”

பொது அறிவு : 

1. இந்திய ரூபாய் நோட்டுக்களை அச்சிட்டு வெளியிடுவது யார்?

 RBI(Reserve Bank of India).

2. GST- யின் தலைமையகம் எங்கு அமைந்துள்ளது?

 புதுடெல்லி. 

English words :

1. Scarce – Rare – அரிதான

2. Impartial – Unbiased – பாரபட்சமற்ற

புவியியலும் சுற்றுசூழலும் :

இறுதியாக வெப்பமண்டல உலர் பசுமை மாறாக் காடுகள்

* கிழக்குக் கடற்கரைப் பகுதிகளில் காணப்படும்.

* ஒப்பீட்டளவில் வறண்ட காலநிலையிலும் பசுமையாக இருக்கும் மரவகைகள் காணப்படும்.

* காணப்படும் இடங்கள்: தமிழ்நாட்டின் கொரமண்டல் கடற்கரைப் பகுதி; புதுச்சேரிக்கு அருகிலுள்ள சில பகுதிகளிலும் இவ்வகைக் காடுகள் உள்ளன.

NMMS :

MAT 

கீழ்க்காணும் படத்தில் உள்ளவற்றில நீர் பிம்பம் எது?

விடை : (2)

நீதிக்கதை

 ## மெளனமாக நடந்த துரோகம்

நம்பிக்கை , நட்பு மற்றும் துரோகம் பற்றிய நீதிக்கதை .

ஒரு ஊரில் அர்ஜுன், கவின் என்ற இரு நண்பர்கள் வாழ்ந்து வந்தனர். இருவரும் சிறுவயது முதலே நெருங்கிய நண்பர்களாக இருந்தனர். தங்களுடை ய மகிழ்ச்சி, துக்கம், இரகசியங்கள் என அனைத்தையும் ஒருவருக்கொருவர் பகிர்ந்து கொண்டனர். அர்ஜுன் கவினை மிகவும் நம்பினான். கவின் எந்தப் பிரச்சினையில் இருந்தாலும் அர்ஜுன் அவனுக்கு உதவி செய்வான்.

ஒருநாள் பள்ளியில் அறிவியல் கண்காட்சி அறிவிக்கப்பட்டது. இருவரும் அதில் கலந்து கொள்ள முடிவு செ ய்தனர். அர்ஜுன் மிகவும் சிரமப்பட்டு ஒரு புதிய அறிவியல் படை ப்பை உருவாக்கினான். தனது படைப்பின் அனைத்து விவரங்களையும் நம்பிக்கையுடன் கவினிடம் பகிர்ந்து கொண்டான்.

ஆனால் கவினுக்கோ எப்படியாவது முதல் பரிசு வாங்க வேண்டும் என்ற ஆசை இருந்தது. நண்பனின் நம்பிக்கையைப் பயன்படுத்திக் கொண்டு, அர்ஜுனின் படைப்பை அப்படியே நகலெடுத்து, அது தன்னுடைய சொந்தப் படைப்பு என்று கூறி கண்காட்சியில் சமர்ப்பித்தான்.

இதைக் கண்ட அர்ஜுன் மிகவும் அதிர்ச்சியடைந்தான். தன்னைப் போலவே நம்பிய நண்பன் இப்படித் துரோகம் செய்வான் என்று அவன் எதிர்பார்க்கவில்லை .

சில நாட்களுக்குப் பிறகு ஆசிரியர் உண்மையைக் கண்டுபிடித்தார். கவினின் தவறு அனைவருக்கும் தெரியவந்தது. அவன் பரிசை இழந்ததோடு மட்டுமல்லாமல், நண்பர்களின் நம்பிக்கையையும் இழந்தான். தன் தவறை உணர்ந்த கவின், அர்ஜுனிடம் சென்று மன்னிப்புக் கேட்டான்.

அப்போது அர்ஜுன் அவனிடம்,

"ஒரு போட்டியில் வெற்றி பெ றுவதற்காக நீ செய்த துரோகம் உனக்கு ஒரு பரிசைத் தரலாம் என்று நினைத்தாய். ஆனால், உன்னை உண்மையாக நம்பிய ஒரு நண்பனின் நம்பிக்கையை இழந்துவிட்டாய். பொய்யால் வெற்றியைப் பெறலாம்; ஆனால் உண்மையான மரியாதையையும் நம்பிக்கையையும் ஒருபோதும் பெற முடியாது" என்றான்.

கவின் தனது தவறை உணர்ந்து வருந்தினான். ஆனால் இழந்த நம்பிக்கையை மீண்டும் பெறுவதற்கு நீண்ட காலம் தேவைப்பட்டது.

நீதி:

* நம்பிக்கையை உருவாக்க நீண்ட காலம் ஆகும்; அதை உடைக்க ஒரு நொடி போதும். 

இன்றைய செய்திகள்

02.11.2026

🗒️தமிழ்நாடு நாள் நவம்பர் 1 அன்று  விழாவில் தமிழறிஞர்களுக்கு ரூ.10 லட்சம் பரிசு - 76 பேருக்கு தமிழ்ச்செம்மல் விருதுகள் வழங்கப் பட்டது.

🗒️வங்கக் கடலில் 'முரசு' புயல் உருவான நிலையில், சென்னை, கடலூர், நாகை, எண்ணூர், காட்டுப்பள்ளி, புதுச்சேரி 6 துறைமுகங்களில் 3 ஆம் எண் புயல் எச்சரிக்கை கூண்டு ஏற்றப்பட்டு உள்ளது. 

🗒️விமான நிலையங்களில் சர்வதேச பயணங்களுக்கான டிஜி யாத்ரா சோதனை நடைமுறை மத்திய அரசு  அறிமுகம் செய்யவுள்ளது.

🗒️இந்திய கடற்படையின் போர் கப்பல் திரிசூல் கிரீஸ் சென்றடைந்தது

இரு நாட்டு கடல்சார் உறவை மேம்படுத்தும் நோக்கில் இந்த முக்கிய பயணம் அமைந்துள்ளது.

விளையாட்டுச் செய்திகள்

🏀ஹைலோ ஓபன் போட்டியில்  டென்மார்க் வீராங்கனையை வீழ்த்தி பட்டம் வென்ற பி.வி. சிந்து.

🏀அனல் பறந்த ஜப்பான் ஓபன் இறுதிப்போட்டி... லேலா பெர்னாண்டஸை வீழ்த்தி கோப்பையை தட்டி சென்ற டயானா.

Today's Headlines

🗒️ On November 1, Tamil Nadu Day was celebrated. At the function, 76 Tamil scholars received the Tamil Semmal Awards. A cash prize of Rs. 10 lakh was announced for Tamil scholars.

🗒️ Cyclone Murasu has formed over the Bay of Bengal. Number 3 cyclone warning signals have been raised at six ports: Chennai, Cuddalore, Nagapattinam, Ennore, Kattupalli and Puducherry.

🗒️ The Central Government is going to introduce the Digi Yatra checking system for international passengers at airports.

🗒️ Indian Navy warship INS Trishul has reached Greece. This visit aims to improve the sea-related relationship between India and Greece.

Sports News

🏀 P. V. Sindhu won the Hylo Open title by defeating a player from Denmark.

🏀 The Japan Open final was very exciting. Diana won the trophy by defeating Leylah Fernandez.

கனமழை காரணமாக இன்று (02.11.2026) விடுமுறை அறிவிக்கப்பட்ட மாவட்டங்கள்

கனமழை காரணமாக இன்று (02.11.2026) விடுமுறை அறிவிக்கப்பட்ட மாவட்டங்கள்

1. திருவள்ளூர் (பள்ளி மற்றும் கல்லூரிகள்)

2.சென்னை (பள்ளி மற்றும் கல்லூரிகள்)

2026 நவம்பர் மாதம்"ஆசிரியர் டைரி"

2026 நவம்பர் மாதம்

"ஆசிரியர் டைரி"

01.11.2026 - ஞாயிற்றுக்கிழமை

உள்ளாட்சிகள் தினம்

கிராம சபைக் கூட்டம்

02.11.2026 - திங்கட்கிழமை

கல்லறை திருநாள்

வரையறுக்கப்பட்ட விடுமுறை (RH)

06.11.2026 - வெள்ளிக்கிழமை

திறன்+ மதிப்பெண் உள்ளீடு

EMISல் கடைசி நாள்

07.11.2026 - சனிக்கிழமை

ஆசிரியர்கள் குறைதீர் கூட்ட நாள்

BEO அலுவலகம்

09.11.2026 - திங்கட்கிழமை

அரசு விடுமுறை

(ஈடு செய்யும் விடுமுறை)

11.11.2026 - புதன்கிழமை

தேசிய கல்வி நாள்

மௌலானா அபுல் கலாம் ஆசாத் பிறந்தநாள்

14.11.2026 - சனிக்கிழமை

குழந்தைகள் தினம்

பண்டித ஜவகர்லால் நேருவின் பிறந்தநாள்

15.11.2026 - ஞாயிற்றுக்கிழமை

புதிய பாரத எழுத்தறிவு (NLIP) தேர்வு

19.11.2026 - வியாழக்கிழமை

STET Onlineல் விண்ணப்பிக்க கடைசி தேதி

21.11.2026 - சனிக்கிழமை

ஆசிரியர்கள் குறைதீர் கூட்ட நாள்

DEO அலுவலகம்

24.11.2026 - செவ்வாய்க்கிழமை

கார்த்திகை தீபம்

வரையறுக்கப்பட்ட விடுமுறை (RH)

28.11.2026 - சனிக்கிழமை

ஈடு செய்யும் பணி நாள்

(தீபாவளி மறுநாள்)