இறந்த பிறகும் ஒருவரின் நகங்களும், முடியும் தொடர்ந்து வளர்ந்து கொண்டே இருக்கும் என்பது பொதுவான கூற்று. இது குறித்து பல கதைகள் இருந்தபோதிலும், மிகக் குறைந்த அறிவியல் ஆராய்ச்சிகளை நடந்துள்ளது.
உண்மையில் ஒரு மனிதன் இறந்த பிறகு அவரது உடலின் வெவ்வேறு பாகங்களில் உள்ள செல்கள், வெவ்வேறு நேரங்களில் செயல்படுவதை நிறுத்துகின்றன. இதயம் வேலை செய்வதை நிறுத்தும்போது மூளைக்கு ஆக்சிஜன் வழங்குவது நிறுத்தப்படுகிறது. மூளை செயல்படாவிட்டால் மூளை செல்கள் அனைத்தும் இறந்து விடுகின்றன. ஒரு நபரின் உறுப்புகள் ஒப்படைக்கப்பட வேண்டும் என்றால் அவர் இறந்த அரை மணி நேரத்திற்குள் உடலில் இருந்து கல்லீரல், சிறுநீரகம் மற்றும் இதயத்தை அகற்ற வேண்டியது மிகவும் அவசியம்.
அடுத்த 6 மணி நேரத்தில் நன்கொடையாளரின் உடலில் பயன்படுத்தப்பட வேண்டும். இருப்பினும் இறந்த பிறகு தோல் செல்கள் உயிரோடு இருக்கும். ஒரு நபர் இறந்த 12 மணி நேரம் வரை தோல் மாற்று அறுவை சிகிச்சை செய்யலாம். உறுப்புகளுக்கு தேவையான சக்தி வழங்குதல் ஒரு மனிதன் இறந்த பிறகு நிறுத்தப்படுகிறது. எனவே நகங்கள் வளர்வதை நிறுத்துகின்றன. அதே செயல்முறை முடியுடன் நடக்கிறது. ஒவ்வொரு தலைமுடிக்கும் கீழ் அமைந்துள்ள நுண்ணிய அறைகளில் புதிய செல்கள் உருவாகின்றது.
இவற்றின் காரணமாக நம் தலைமுடி வளர்ந்து கொண்டே இருக்கிறது. இதயம் துடிப்பதை நிறுத்தும்போது உடலில் ரத்த ஓட்டமும் நிறுத்துகிறது. இதன் விளைவாக நம் உடலில் தலை முடி வளர்வது நிறுத்துகிறது. ஏனென்றால் அவற்றை வளர்க்கும் செல்கள் சக்தி பெறாது. உண்மையில் மக்களுக்கு இறந்த பிறகு நகங்களும் முடியும் வளர்வதில்லை. இருப்பினும் ரத்த ஓட்டம் இல்லாததால் அவற்றை சுற்றியுள்ள தோல் வறட்சியில் சுருங்குகிறது.
இதன் காரணமாகவே மரணத்திற்குப் பிறகு நகங்களும், முடியும் பெரிதாக தோன்றுவதற்கு காரணம். இறந்த பிறகு அடக்கம் செய்வதற்கு முன்பு தோல் பலமுறை ஈரப்படுத்த படுகிறது. இதனால் முகம் சாதாரணமாக இருக்கும். இறந்த மனிதனின் கண்ணைச் சுற்றியுள்ள தோல் வறண்டு போகிறது. இது மண்டை ஓட்டை நோக்கி இழுக்கிறது. இந்த காரணத்திற்காக இறந்தவரின் தாடியும் பெரிதாகத் தெரிகிறது.
