தாகத்தை கொடுத்துக்
கொண்டே இருக்கிறது
என்றாலும்...
இதன் மீதுள்ள போதை
குறையவே இல்லை.
இதன் தாய்வீடு
அரபு நாடுகள்தான்
ஆனாலும்...
செல்லும் இடமெல்லாம்
சிறப்பாக வாழ்ந்தே மடிகிறது.
இதை பூட்டியே வைப்பார்கள்
வெளியே தெரிந்தால்
காத்திருக்கும் காற்று
கள்ளத்தனமாக இதை
கடத்திக்கொண்டு போகும்.
காற்றை மென்மையாக
காதலிக்கும் இது...
நெருப்பின் பலவந்தத்தால்
தீக்குளித்து விடுகிறது.
வாகனங்களுக்கு
சக்தியை தரும் இது...
சாமானியனுக்குப்
பக்தியைத் தரும்.
ஆமாம்...
தினமும் இதன் தரிசனம்
பயணத்திற்குத் தேவை.
அன்றாடத் தேவைகளில்
இதுவும் ஒன்று...
ஏறிக்கொண்டே இருக்கும்
இதன் மதிப்பை குறைக்க
கூடிக் கொண்டே
இருக்கிறார்கள் விஞ்ஞானிகள்.
அடங்காத பசியைப் போல
தொடராத தூக்கத்தைப் போல
முடங்காத இதன் பயணம்
காலத்தை விரட்டிக்கொண்டே
பயணங்கள் முடிவதில்லை என்றே பாதையை
சுருட்டிக் கொண்டே செல்கிறது.
*"பெட்ரோல்"*
